Emɔs 3:6 - mzwDBL

⁶ Laa bɛla sio bwɛjen bɛl ta naa, o nɛra aa ɔmaa? Wechɔɡa ane chiɡ bwɛjen bɛl nɛra nɛ aa, dɛ Korowii laa ɡela a ba ɡɛ naa?

Emɔs 3:6 Referans Kwoze

Aesaya 45:7

Menee ta bochaah ne biro bwa, menee dɛɛ tɛ bosɔɔhna, dɛ berɛ dɛɛ ba sibeɡra ɡe ne. Men Korowii, menee ɛ anɔ bwa.

Sefania 1:16

wɛɛ ɛ laa bɛle hoeh tɔperee, ásɛ laa tena lɔŋɔre tɔ. Baa yo bwɛjena baa ma danjwɛkpeɡa bara, a dɔ dejaŋaa.

2 Kɔrent 5:11

Yaa jemɛ ɡɛ Korowii aa do ɔma la waa ya bol waa dɛɛ baɡle nɛra ásɛ ba jemɛ kasinteŋ la. Korowii jemɛ ya bambile bini bwa. N dɛ lii kɛŋɔ he ɡe jemɛ ya nɛnsoore he bambile bini.

Mumpar 50:20

He te la, he lii n ne wechɔɡa, kɛ Korowii ɡelɔ a berɛ wedɛɛɡa, ɡɛ aa ɛ ó won lɛ nɛndamanta mkpa ɡɛ waa ɛa fini nɔ.

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

Jeremia 6:1

Bɛnjamen dea tena, hé chwa le Jerusalam dɛ́ dɔ he nyu. Hé hoh bɛla la Tekoa, ásɛ dɛ choŋi nii Bɛt Hakerem ɡe, á baɡle kɛ siswɛm balɔ. Wekpeɡa ne harɛchɔɡ le weekaŋle nyunduabɔr dɛɛ ba.

Jeremia 4:5

Hé bola Juda ne Jerusalam tena be ŋɔ, ‘Hé hoh bɛla harɛ la bwa ta.’ Hé do lɔŋɔ kohona ŋɔ, ‘Hé boa nyoa. Hé ɡel ya chwa kaa bwɛjena baa ma danjwɛkpeɡa bara la ta.’

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

Ɛsekeɛl 33:3

asɛ naate na laa tena bala aa, ó hoh bɛla dɛ́ ir harɛ la nɛra deŋne.

Jeremia 10:7

Harɛre nɛra bwa Kooro, umee dɛ ŋɔ waa duuree kpɔ tɛɛ nɔ? A chɛ kɛ nomɛlbwa duuri. Harɛre bwa nɛra ne wejerema dɛ ba koranar, bɛlbwa ta do kɛ hen.

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Emɔs 3:5

Ba ta bel harɛ aa jumbie ɛɛ ba le o taa o lawɔ waa? Bel won tae pɛɛ dɛ waane laa ɛo waa?

Sekaria 8:10

Mɔɔ ba ɛ men Korowii Dea la toma la, dɛ nɛn ɛ toma kɛɛ ba kpɔ kondɛɛre ɛ toma aa, kembɔr toole. Dɛ dɔma nomanta, deŋnesɔɔhna toole, menee ba yoi ne nɛn ne o dɔŋ baah ta.

2 Koranar 6:33

Elaesa ne ba ta aa dɛ bol waa la, dɛ kooro la dɛ tel o be dɛ ŋɔ, “Korowiirii ɡela wechɔɡa nɔ ba, n berɛ kpa Korowii ka tel saŋ besoo jaɔ?”