Emɔs 2:5 - mzwDBL

⁵ Anomanta, mɛɛ ɡeloo nii ba fuh Juda harɛ, dɛ́ fuh Jerusalam dekpeɡa, dɛ́ chɔɡa.”

Emɔs 2:5 Referans Kwoze

Hosia 8:14

Israel tena ma kooderemi, dɛ soh men Korowii maa ta ba wa. Juda tena ma dekpeɡa bwɛjena ta taeh. Kɛ mɛɛ kpɔ niinii ba ta ba bwɛjena ta, ásɛ a fuh ba dekpeɡa bwa.”

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

Jeremia 21:10

N siwi beɡrɔ kɛ ń chɔɡ bwɛjen nɔ, o kɛrɛdɛ doe te laa. Babelɔn kooro nɔn taa wɛɛ ba doe, ásɛ o fuh o bwa dɛɛboo ken.” Korowiirii bola.

Jeremia 52:13

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa.

Jeremia 39:8

Babelɔn tena la fuh koodem la ne nɛra la deene, dɛ kuuɡi Jerusalam danjwɛɛre bwa ɡe.

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

Emɔs 3:11

Anomanta, Nemenɛ Korowii ŋɔ, “Dɔma ɛɛ ba bar ba harɛɛ cheme, dɛ́ kuuɡi dekpeɡa, dɛ́ pa ba dejena bini laala kaa kɛŋɔ laa ta kwa.”

Emɔs 3:15

Mɛɛ paɡre ba dejena ne ba dejeɡre bwaa. Mɛɛ chɔɡ deene baa kpɔ bala nyena ɛ kwaa cheɡ a bini a do wer la bwaa. Dejena bwa ɛɛ chɔɡoo kwaraa, Men Korowiirii bola.”

Emɔs 7:4

Nemenɛ Korowii ɡelɔ n na waane wepila ta ja. N nao kɛŋɔ waa kpɔ nii dɛɛ ba ba fuh harɛ la, dɛ́ kpɔ tɛr o nɛra deŋne. Nii la fuoh dɛ hweeh viljena bwa, dɛ fuh dɛɛ ba ba chɔɡ harɛ ɡe.

Emɔs 1:4

Mɛɛ ba fuh koodem Kooro Hasael aa doo laanee, dɛ́ ba fuh Kooro Bɛn Hadad dekpeɡa la, dɛ́ chɔɡa.