Aesaya 9:11 - mzwDBL

¹¹ Korowii ɛɛ ɡeloo Israel tena dɔma baah di bá ba yoo ba.

Aesaya 9:11 Referans Kwoze

Aesaya 7:8

Damaskɔs laa Siiria harɛ bwɛjen aa? Kooro Resin ɡee Damaskɔs nyu te. Onee umeo? Bonɔ bene fifraanumɛl dɛ anue dɛ Israel harɛ paɡrɔ, waa bwɛbirii tel kpa.

2 Koranar 16:9

Asiiria koojen Tiɡlat Pilesa aa sɛh waa la ta la, o kpɔ o laa tena ba Siiria dɛ ba yo bwɛjen Damaskɔs tena. Dɛ larawe bela tena ka so bwɛɛ bɛl baa dɛ yerɔ Kir, dɛ kpo Kooro Resin.

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

Aesaya 7:1

A ɡɛ saŋ, laa chole Juda Kooro Ahas ne koranar banɛ bane baah ta. Koranar la bɛlee Siiria Kooro Resin, bɛl ɡee Israel Kooro Pɛka, o mɛɛ sɔne Remalia. Kooro Ahas ɡe mɛɛ sɔne Jotam, o nabaa ɡee Ussia. Kooro Resin ne Pɛka kpɔ ba laa tena ba Jerusalam dɛ ba yoo ba, kɛ ba ta wone pɔ ba nɛ.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 28:1

Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.