Aesaya 8:21 - mzwDBL

²¹ Ba bwara ɛɛ hwaoh baa valɛ harɛ la ta, lɔr ɡe kpo ba, ba kpɔ bandia ha sie nyundua dɛ́ taah ba kooro ne Korowii baa dɛ tomɔ.

Aesaya 8:21 Referans Kwoze

Aesaya 9:20

Baa kah kondikwaa nɔndiɡ ne ɡal bwa nee dɛɛ di, kɛ baa vaɡɛ, hale dɛ́ larawe ba biirere chwe.

Sɛɡla 19:3

Nɛŋɡɛnee dɛɛ chɔɡ o te, kɛ o yon berɛ kpɔ nya Korowii nɛ.

Jeremia 52:6

A ɡɛ benanyoa la korobinaarɛ tɔpenuanaarɛ ta, dɛ lɔr o nyoa aa do kpeɡri kohona chole bwɛjen Jerusalam, kondikwaa toole nɛra di.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Job Tɔn 2:9

Job haah ŋɔ o be ŋɔ, “He ta lɔ toɡra he wa aa toɡra la ta naa? Taah Korowii dɛ́ sewɛ!”

Job Tɔn 2:5

Lɔɔ bil weela ta dɛ́ na, dɛ waa hen taah he na naa.”

Job Tɔn 1:11

Laa nɔn kpɔ komɛlbwa waa dɔa ta dɛ́ na, wɛɛ taahnee he na.”

2 Koranar 25:3

A ɡɛ benanyoa la korobinaarɛ tɔpenuanaarɛ ta, dɛ lɔr o nyoa aa do kpeɡri kohona chole bwɛjen Jerusalam, kondikwaa toole nɛra di.

Kaala 22:28

He bɛ nɛnhɛlwobol bol yaɡɛ men Korowii kɛɛ dɛ́ taah he harɛ nomoa.

2 Koranar 6:33

Elaesa ne ba ta aa dɛ bol waa la, dɛ kooro la dɛ tel o be dɛ ŋɔ, “Korowiirii ɡela wechɔɡa nɔ ba, n berɛ kpa Korowii ka tel saŋ besoo jaɔ?”

Lewi Dea Tena 24:11

Dɛ o nya sɔne Sɛlomet, Dibri waa le Dan dea biee on. Sɛlomet bie la ɛ nɛnhɛlwa dɛ taah Korowii, asɛ ba lawɔ ba Mosis sie,

1 Samoɛl 8:18

Awola tɔpere la, hɛ́ɛ dɛɛ wiu, dɛɛ nyin kɛŋɔ he fe aa le kooro he ɡbabir aa leo la nɔn ta, kɛ Korowii aa heyaa chaŋe.”

Job Tɔn 18:12

Ba fa dɔ kwa, taraken lɔr dɛ kpo ba. Wekpeɡa chɔ le dɛɛ kpaa ba.

Aesaya 9:21

Manasɛ dea nɛra ɛɛ yo Efrem dea nɛraa, ásɛ Efrem dea nɛra ɡe yoo ba, a ɡɛ deene anɛ nɔ ɛɛ pɛo dɛ́ yo Juda dea nɛra. Anɔ nɔ bwa habɔɔ, Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 14:30

Nɛra baa nyaa kohona ɛɛ dɔ kwaa dɛɛ di, ásɛ banɔ la ba soɡa bini aa kpeɡa tɛɛ ba ɡe dɔ bɔr chɔ bosɔɔhna ta, komɛlbwa aa ban ɛ. Kɛ he Filisti tena te, lɔree mɛɛ ba kpɔe kpoo heyaa he mun he harɛ la ta. He bini bɛlbwa aa kae ba.

Aesaya 51:19

Wekpeɡa anɛ nɔɔ pu heya, umee dɛ́ won larawe heyaa bwara ɔ? Laa yoi ɡelɔ he harɛ chɔɡ, lɔr chole he nɛra nɛ. Nomɛlbwa toole dɛ́ bwɛɛ heya.

Aesaya 59:9

Ate, nɛra la ŋɔ, “Ya ne kasinteŋ baah jaŋne, ya waa ɡe ta toɡrɛ. Ya dɛ nyin bochaah ta dɛ́ valɛ, kɛ biro tenten ɡboo ya na,

Aesaya 65:13

Anomanta, Nemenɛ Korowii ŋɔ, “N bonɔɔna ɛɛ dɔ kondikwaa di dɛɛ nyɔ sen kohona, kɛ he te, lɔr ne nyɔɡre ɛɛ kpo heyaa taeh. N bonɔɔna sie ɛɛ lɛo, kɛ he te ɛɛ di sihiih.