Aesaya 8:1 - mzwDBL

¹ Korowii berɔ ŋɔ n be ja ŋɔ, “Nyin tɔnjen ásɛ dɛ chwerɛ waa maa dɛ́ ba bola nɔ do o ta. Chwera a do bare. Anee kɛŋɔ Mahɛr Salal Has Bas. O munii kɛŋɔ, ‘Bá ɛ warane dɛ́ ka kam anɔ la baa won, bá kpɔ chwae dɛ́ ka pa laala aa kaa.’

Aesaya 8:1 Referans Kwoze

Aesaya 30:8

Korowii ŋɔ men Aesaya be ŋɔ, “Namete kaa, dɛ́ ka chwerɛ n nɛra waa maa bol he be nɔ dawɛ bwepɛla ta tɛɛ ba, chwera do tɔn ta, ásɛ a chɔ le kerekere dɛ́ ɛ danseɛ saŋ te bɛlbwa dɛɛ la.

Aesaya 8:3

Aa la sie la, n haah kpoŋe tea dɛ lolɛ bibaa. Asɛ Korowii ŋɔ n be ŋɔ, “Pao Mahɛr Salal Has Bas.

Wepila 21:17

O maɡɛ danjwɛɛ la. O kpeɡa del ɡe lɔ naɡale lafraanɛ dɛ fi dɛ anumɛl. Gɛ nɛwɛnyini aa dɛ maɡɛ kwaa la, ɡɛɛ o maɡa.

Wepila 13:18

Dɛ he dɔ wejema aa, no. Nomɛlbwa waa dɔ liire dɛ́ won jemɛ olchɔɡe la namba la mun la, ó lii. Onee 666, o ɛ nɛn sɔn.

Jeremia 36:32

Anomanta, men Jeremia kpɔ tɔnfale tɛ Nɛrea bibaa Baruk waa ɛ n karake la. Asɛ o chwerɛ wobɛlbwa a fa aa lɔ loɡle tɔn la bini dɛ anɔ la bwa aa jaa n kpɔ tɛo la.

Jeremia 36:28

ń kpɔ tɔnfale dɛ́ chwerɛ waa aa lɔ loɡle tɔn Kooro Jehoiakim aa fuuh la do o ta.

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Aesaya 8:16

Pa waa Korowii aa kpɔa tɛ mɛ la bwa pɛ. Marɛ o nyoa dɛ́ kpɔ cheɡ n habɔteŋra be.

Jeremia 30:2

ŋɔ men Jeremia be ŋɔ, “Chwerɛ waa maa bol he be la bwa do tɔn bini.