Aesaya 7:11 - mzwDBL

¹¹ “Soŋe Korowii háa dɛ tomɔ dɛ́ na waane, hale dɛ le lalabwɛɛ kɛɛ nyundujaɡla, á baɡle waa nɔ kasinteŋ.”

Aesaya 7:11 Referans Kwoze

Aesaya 37:30

Ate, Aesaya ŋɔ Kooro Hɛsɛkea be ŋɔ, “Waa aa che a ta, n naa Kooro Hɛsɛkea, he jemɛ laanee nɔ. Koo kwaa baa koma bena nɔ la, ane ɛɛ le a buɡ taa, ásɛ he dia, ásɛ benanyoa chemaa, hé di a tenten. A bentooro te la, hé du mea dɛ́ koma, dɛ́ parɛ daa kooni, dɛ́ di a nɔna.

Aesaya 38:22

Kooro Hɛsɛkea bɔɔrɔ ŋɔ, “Bɔkwa waa dɛ́ baɡle kɛ mɛɛ la Korowii Dea nyundua belaa yɔ?”

2 Koranar 19:29

Ate, Aesaya ŋɔ Kooro Hɛsɛkea be ŋɔ, “Waa aa che a ta, n naa Kooro Hɛsɛkea, he jemɛ laanee nɔ. ‘Koo kwaa baa koma bena nɔ la, ane ɛɛ le a buɡ taa, ásɛ he dia, ásɛ benanyoa chemaa, hé di a tenten. A bentooro te la, hé du mea dɛ́ koma, dɛ́ parɛ daa kooni, dɛ́ di a nɔna.

Jeremia 19:10

Ate, Korowii ŋɔ ń paɡre leo la nɛra n ne baa la bela la siwi ta,

Jeremia 19:1

Korowii berɔ ŋɔ men Jeremia be ŋɔ, “Ir la ka yawɛ leo le o mamaa be. Kpɔ bwɛjen la nomonome ne sɔfore la bane ja he nɛ,

Amanesoma Luk Aa Chwera Tɔn 2:12

Waa haa che a ta jemɔ laanee nɔ. Hɛɛ na bie laanee kɛŋɔ baa kpɔ yal fɔrɔwo o chɔ kon jaɡre aa dɛ di kwaa o bini la bini.”

Kaala 7:9

“Dɛ Ijipt kooro dɛ nyin kɛ he ɛ nyokpo waane o na naa, he ŋɔ Arɔn be ŋɔ ó kpɔ o daŋɡbala ta kooro sie. Wɛɛ berɛ harɛkonee.”

Aesaya 7:10

Korowii tomɔ ba ka ŋɔ Kooro Ahas be ja ŋɔ,

Aesaya 7:12

Anee Kooro Ahas ŋɔ, “Maa soŋe dɛ́ na wobɛlbwa, maa Korowii daah dɛ́ na.”

Aesaya 55:13

Bela sɔɔhne aa lole la, dajaŋa ɛɛ le a buɡ taa, ásɛ jabalnadaŋɛre le dadɛɛɡa buɡ ta. Gɛ waa nɔ ɛɛ ɡeloo Korowii dɔ sɔn kohona, dɛ́ chɔ saŋ bɛlbwa dɛɛ lii waa men Korowii aa ɛa.”

Jeremia 44:29

Anɔɔ ɛ waa dɛ́ baɡle kɛŋɔ bonɔɔ mɛɛ ba he deŋne tɛra, ásɛ he jemɛ kɛŋɔ kaeh maa dɛ kah heya ŋɔ mɛɛ chɔɡ heyaa la ɛ kasinteŋ.”

1 Koranar 13:3

Awola tenten, keame la baɡle waane aa dɛ ba ɛɛ dɛ ŋɔ, “Kon baa dɛ ɛ saraha o ta nɔ bini ɛɛ peroo anɛ, ásɛ tɔɔ aa dawɛ o ta la fuɡe he jemɛ kɛŋɔ Korowiirii cheɡɛ n nɛɛ dɛɛ bol.”