Aesaya 65:5 - mzwDBL

⁵ Ba yon ŋɔ ba bala be ŋɔ, ‘He laa he te kpɔ ya nɛ, ya do ɡoroŋ, a ta chɛ kɛŋɔ hé leɡe yaa!’ N mee le ba nɛ, n bandia ɡe do ba nɛɛ kɛŋɔ, nii aa wola dime bwa ken.

Aesaya 65:5 Referans Kwoze

Amanesoma Luk Aa Chwera Tɔn 7:39

Belaa Farisii te la waa yerɛ Yeesu ŋɔ ó ba di kwaa la aa na a ɡɛ waa nɔ la, o lii o nyu bini ŋɔ, “Baa nɔ fe ɛ Korowii keame tenten naa, o fe jemɛ haah nɔ hahsoo waa dɛ leɡo nɔ. O fe jemɛ o wechɔɡa waa lɔ a ta bwɛɛ nɔ ta.”

Sɛɡla 16:5

Korowii hah nɛn waa dɛ ɛ mbarafo, kpelaa, naate ɛɛ di bolchɔɡee dɛ́ dɔ deŋnetɛra.

Amanesoma Luk Aa Chwera Tɔn 5:30

Belaa Farisii tena ne ba bini Tɔnjerema la pwah o habɔteŋra la ŋɔ, “Ɛrɛɛ he ne toɔ lɛɛra baa dɛ bɔ nɛra apoo ne wechɔɡ-ɛɛra pɛ dɛɛ di kwaa nɔɔ?”

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.

Tɔn Jud Aa Chwera 1:19

A ɡɛ nɛra nɔɔ ɡela he ne he asɔre tena dɔŋa baah ɛɛ peɡri la. Harɛ bonɔ som lɛ ba liire bwa. Korowii Domadɛɛɡe la toole ba nɛɛ kwaraa.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”

Matiu 9:11

Farisii tena bane aa na ɡɛ la, ba pɛɛ Yeesu habɔteŋra la ŋɔ, “Ɛrɛ waa he dɔɔ nɔ ne a ɡɛ nɛra nɔ pɛ dɛɛ di kwaa nɔɔ?”

Sɛɡla 10:26

Gɛ konnyɛɡa aa dɛ nyɛɡ nyena, asɛ ninchuu ɡe ɛɛ we sie la, ɡɛɛ nɛn waa dɛ ɛ bonyɛɡa do tɛ nɛn waa tomɔ. Waa on bansɔɔhna tɛ.

Amanesoma Luk Aa Chwera Tɔn 15:2

Anee Farisii tena ne Tɔnjerema bane ŋwalɔ dɛ ŋɔ, “Gɛ baa nɔ dɛ lɛ wechɔɡ-ɛɛra o ne ba yon pɛ nɔn dɛɛ di kwa.”

Sɛɡla 30:12

Ba dɛ lii kɛŋɔ wechɔɡa toole ba nɛ, kɛ dɛ ba senɛ wechɔɡa ta.