Aesaya 65:13 - mzwDBL

¹³ Anomanta, Nemenɛ Korowii ŋɔ, “N bonɔɔna ɛɛ dɔ kondikwaa di dɛɛ nyɔ sen kohona, kɛ he te, lɔr ne nyɔɡre ɛɛ kpo heyaa taeh. N bonɔɔna sie ɛɛ lɛo, kɛ he te ɛɛ di sihiih.

Aesaya 65:13 Referans Kwoze

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Aesaya 66:14

Dɛ he na ɡɛ waa nɔ a chiɡ aa, he sie ɛɛ lɛo, a tɛɛ kpeɡri, ásɛ he jemɛ kɛŋɔ n dɛ cha nɛra baa dɛ no n deŋna wa, dɛɛ baɡle n bandia nɛra baa ɛɛ mɛ dɔm nɛ.”

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Aesaya 61:7

He sihiih ne ncho haa dia bwa tonɔ. Hɛɛ so he ɡbaɡba harɛ taa ásɛ he kondɔɔh warɛ kohona, he silɛɛ aa jaɡaa dɔ.

Aesaya 44:9

Nɛra baa dɛ ma voɡa kɛɛ dɛɛ sɛah la dɛ ɛ wepuu, kwaa ba sie aa dɛ lɛ a ta la ɛ konsale. Nɛra baa dɛ tomɛ voɡa nɔ, ba do kɛŋɔ nɛra baa nyoŋa ken, baa wobɛlbwa jemɛ, baa di sihiih.

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Aesaya 1:19

Dɛ he ɛ deŋnepwɛr dɛ no n be te naa, hɛɛ dɔ harɛ la ta kondɛɛɡaa di.

Yela 34:10

Lɔr ɛɛ won kpo nyujentena a ɡwɛɡre, kɛ banɔ la baa dɛ no Korowii be la, kondɛɛɡa aa ban paŋɛ.

Aesaya 41:17

Nyaara ne banɔ la ba waa aa suma ɛɛ ba nyin nee dɛ́ nyɔ kahonɛ ba lobi hol, men Korowii ɛɛ no ba wesoŋaa tɛɛ ba. Menee Israel tena ɛɛ tomɛ, maa ban ta.

Aesaya 5:13

He waa mun bɛ noe nomanta, baa lawɛ heyaa kaa harɛfale bɛl taa, dɛ kaa do heya. Lɔr ɛɛ kpo he bini banɔ la baa chɔ he nyoa bá serewe, ásɛ dansaara haa ka la, nyɔɡre kpo heyaa he serewe.

Aesaya 8:21

Ba bwara ɛɛ hwaoh baa valɛ harɛ la ta, lɔr ɡe kpo ba, ba kpɔ bandia ha sie nyundua dɛ́ taah ba kooro ne Korowii baa dɛ tomɔ.

Aesaya 41:18

Mɛɛ ɡeloo nee palɛ le bwejena aa hola dor, dɛ́ ɡel fɛlembɔɔne bule ne. Mɛɛ beɡre pua hɛŋle ɡbo harɛɛ ó ɛ kataŋa, dɛ́ ɡel harɛ waa do kpakee bule ne.

Aesaya 42:17

Kɛ nɛra baa dɛ yarada voɡa, dɛɛ yerɛ kwaa baa sɛah, kɛɛ voɡa ba ‘naa’ la te, mɛɛ vɛɛh baa bá di sihiih kohona.”

Aesaya 44:11

O ne nɛra baa dɛ tomɛ voɡ la bwa ɛɛ di sihiih. Nɛra laa dɛɛ sɛh kwa aa? Ame binii ba doɔ? Ba bwa ɛɛ ba chemoo ba bol ba waa dɛ́ pa bole, ásɛ ba bwara yɔr kohona, ba di sihiih.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Aesaya 50:11

He banɔ la ɡe haa dɛ nyin hé chɔɡ he bala la, aa di he ɡbaɡbaa. Korowii ɡbabirii dɛɛ ba ɡela á chiɡ ɡɛ. Hɛɛ na waa kohonaa taeh.

Aesaya 62:9

He banɔ la haa du mea dɛ koma laanee dɛɛ ba a dii, dɛ́ kpɛɛ men Korowii. He banɔ la haa pa ɡrepo nɔna laanee dɛɛ ba a sen nyɔe n Dea dembaahna.”

Jeremia 22:22

Peu ɛɛ tao kpɔ he sitɔɔla baa do kɛ peteɡra la kaa, baa lawɛ nɛra baa ja he nɛɛ laa taa kaa bojaŋ harɛfala ta. Ásɛ he di ncho, sihiih kpoe, he nyubinikpeɡ haa ɛa la wa.

Hosia 4:10

Hɛɛ di kondikwaa, kɛ haa vaɡɛ, dɛ́ bɔ jwamane, kɛ he mun aa ya bwa, dɛkalkɛ he vɛh men Korowii dɛ kpɔ he te tɛ voɡa ane.

Sɛɡla 13:25

Nɛn o wa aa toɡra di kwaa o baah ɛɛ sɔɔhno, kɛ nɛnchɔɡe te dɛ chɔ lɔr saŋ bɛlbwa.