Aesaya 65:10 - mzwDBL

¹⁰ Sarɔn ɛɛ ɛ peera dibɔree, ásɛ Akɔ Fɛlembɔjen ɛ bela nae aa dɛ onɛ, dɛ́ tɛ n nɛra baa dɛ nyin mɛ bambile bwa ne.

Aesaya 65:10 Referans Kwoze

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Aesaya 33:9

Harɛ la chɔɡɔ, o chɔɔ pɛɛ. Sihiih kpo Lɛbanɔn kɔne, a daa serewe. Sarɔn fɛlembɔdɛɛɡe berɛ pua hɛŋle ɡbo harɛ, Basan harɛ ne Kaamɛl Bwejen ta, daa papooni dɛ chure.

Hosia 2:15

Mɛɛ berɛ o daa kooni laanee tɛo, ásɛ dɛ berɛ Akɔ Fɛlembɔjen la bela hwɛɡa aa lole. Belaa wɛɛ ba yela ɡoe silɛɛ ne kɛŋɔ o toli saŋ, ne ɡɛ awola tɔpere waa le Ijipt harɛ ta la ken.

Aesaya 51:1

Korowii ŋɔ, “He banɔ la he siwi aa swɛɛ waa aa toɡra ta, hɛɛ nyin he jem mɛ la, hé no n be. Hé lii he nabaa Abraham waa do kɛŋɔ bwe baa pɛɡre heyaa le o ta, ne bɔɔ baa kwi heyaa le o bini la.

We-ɛɛla 9:35

Nɛra baa lɔ Leda ne Sarɔn bwa na baa la dɛ charɛ ba liire, dɛ teŋɛ Yeesu nɛ.

1 Webena 5:16

Dɛ Gad tena soɡe Gelead ne Basan harɛre ta ne bwɛɛre aa bara bwa, dɛ kondɛɛra dibɔra aa chɔa dɛ kaa dɛ do Sarɔn bwa.

Aesaya 55:6

Hé nyin Korowii bɔr saŋ haa nao nɔ ta, hé yerɔ, taraken waa bɛne heyaa nɔ.

Jeremia 33:12

Koranar Bwa Kooro ŋɔ, “Harɛ nɔ waa do kɛŋɔ pua hɛŋle ɡbo harɛ nɛra kɛɛ kondɛɛra aa wola toole o ta nɔ, saŋ bɛl ɛɛ bao ásɛ peteɡra dɔ dibɔra tɛ ba peera a kaa di.

Jeremia 50:19

Kɛ mɛɛ berɔɔ lawɛ Israel tena ba ba harɛ ta, ásɛ ba baa di kondikwaa aa lɔ Kaamɛl Bwejen ne Basan harɛ ta. Baa di kondikwaa ɡɛ bwa baa dɛ nyin Efrem ne Gelead deŋɡarere ta.

1 Webena 27:29

Sitrai waa le Sarɔn, ɡee chɔ kooro nae nɛra aa kpɔa dɛɛ la a ne dibɔra Sarɔn nyoa. Asɛ Adlai bibaa Safat ɡe chɔ kooro nae baa kpɔa dɛɛ la dibɔra fɛlembɔjena bini nyoa.

Jeremia 29:13

Hɛɛ dɛɛ ɡaaɡe n bɔree dɛ́ na mɛ, dɛ he dɛ́ nyin n bɔr he bambile bwa ne naa, hɛɛ na mɛɛ.