Aesaya 64:9 - mzwDBL

⁹ Bɛ ɡel he baah di ya nɛɛ kohona, bɛ ya wechɔɡa waa kpɔ do he nyu bini saŋ bɛlbwa. He nɛraa yaa, na ya sum.

Aesaya 64:9 Referans Kwoze

Yela 79:13

Ásɛ he nɛra yaa do kɛŋɔ peera he sie nɔ, ɛɛ kpɛɛre saŋ bɛlbwa dɛɛ la, dɛ́ le fini kaa ya naanar baa ka ba bwa nɛ.

Wepila 20:10

Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.

2 Pita 2:17

He dɛ hwɛɡɛ ba nɛ aa, he hwɛɡa ta pɛɛ. Ba do kɛ nenabɔɔ nee aa wola toole o ta, dɛ do kɛ baama peu aa ir a ne aa kaa ken. Biro kpirikpirii Korowii kwaa cheɡ ba.

Malakae 1:4

Edom tena la ŋɔ, “A lole kɛ Korowii chɔɡ ya harɛ te, kɛ yaa berɔ kwaa vɔrɔwe bwɛɛre la.” Asɛ Koranar Bwa Kooro ŋɔ, “Ba ken ɛɛ won berɛ vɔrɔwe bwɛɛre la te, kɛ mɛɛ chɔɡaa ja. Baa yerɛ harɛ la ‘Nyubinikpeɡ Tena Harɛɛ’, n bandia aa o nɛra nɛɛ le bwa.”

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Wiile 5:20

Ɛrɛɛ he soh ya waa biɡri ɡɛ nɔɔ? He ta ɛɛ ba lii ya waa ja tenaa?

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.

Jeremia 3:12

La ka bol waa nɔ Israel tena be ŋɔ, ‘Hé berɛ ba, Israel tena he wa aa wola kasinteŋ dɔe. N baah aa he nɛɛ di kpa, dɛkalkɛ n dɛ sune nɛn nɛ, n baah aa won di he nɛɛ saŋ bɛlbwa dɛɛ la. Men Korowiirii bola.

Aesaya 63:19

Ya do kɛŋɔ nɛra he fa aa wola ya nɛɛ nyiŋe ka, kɛɛ ya ta he nɛra ɛɛ ken.

Aesaya 60:10

Korowii ŋɔ Jerusalam tena be ŋɔ, “Nɛŋhɔɔhraa dɛ́ berɛ ba kwaa ma he bwɛjen nɔ danjwɛɛre, ásɛ ba koranar ɛɛ tomɛ heya. N baahnee fa dia n tɛr he deŋne. Taraken te, mɛɛ dɔ tedomaa tɛ heya, dɛ́ sune he nɛ.

Aesaya 57:17

Ba wechɔɡa ne ba sibeɡra waa nomanta, n baah fa di ba nɛɛ taeh, asɛ n tɛr ba deŋne dɛ laa sie kpɔ ba nɛ. Kɛ ane a bwa ba deŋne kpeɡri, dɛɛ ɛ waa ba bambile aa lawa.

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Yela 119:94

Lɛɛ mɛ, dɛkalkɛ henee dɔɔ mɛ, n takapɔ dɛɛ teŋɛ he waa la ta.

Yela 38:1

N Naa Korowii, bɛ ɡel he baah di he pwaah mɛ, bɛ ɡel he baah di kohona, he tɛr n deŋne.

Yela 6:1

N Naa Korowii, bɛ ɡel he baah di hé pwaah mɛ, bɛ ɡel he baah di kohona hé tɛr n deŋne.

Aesaya 63:8

Korowii ŋɔ, “N nɛraa ban, baa men neɡre.” A waa o lɛɛ ba le ba wenaale ta la.

Jeremia 44:21

“He dɛ lii kɛŋɔ sarahare he ne he naawa ne koranar, nomonome ne nɛra baa lɔ harɛ la ta aa ɛa Juda bwɛɛre ta ne Jerusalam fɔɡbaahna la, Korowii aa a waa jemɛ, kɛɛ o soh a waa kɛɛ?

Wiile 5:22

Kɛɛ he deno vɛh yaa kwara kɛɛ? He bandia ta jaɡa dɔe ya nɛ aa?

Ɛsekeɛl 29:16

Israel tena aa ba tenee kpɔ dawɛ Ijipt tena nɛɛ ŋɔ bá cha ba kpa. Baa na waa aa ba Ijipt harɛ laanee, dɛ na kɛ aa were kɛŋɔ ba kpɔ ba te dawɛ Ijipt tena nɛ. Ásɛ Israel tena jemɛ kɛŋɔ menee Nemenɛ Korowii.”

Lewi Dea Tena 26:31

Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa.

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

Aesaya 63:18

He Dea waa do ɡoroŋ fa ɛ he nɛra kon saŋ bɛl, kɛ taraken ya dɔma kuuɡu, dɛ tiɡru do harɛ.

Wiile 2:7

Korowii vɛh kon baa ɛ saraha dɛɛ tɛo ta, dɛ ɡel o Dea waa do ɡoroŋ la. O ɡelɔ dɔma ba kuuɡi kooderemi danjwɛɛre. Dɔma la do silɛɛ lɔŋɔre bela ba fa aa dɛ tomɛ, kɛŋɔ tɔpejen baa lea cheɡ tɔpere bɛl ta ken.

Wiile 5:18

dɛkalkɛ Saayɔn Bwejen chɔ pɛɛ, asɛ kalampoŋare do o ta dɛɛ ɡaaɡe.