Aesaya 64:6 - mzwDBL

⁶ Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Aesaya 64:6 Referans Kwoze

Tɔn Pɔɔl Aa Chwerɛ Rom Tena 7:18

N jemɔ kɛŋɔ liidɛɛɡa bɛlbwa toole n bini. N nɛwɛnyini mar nɔ wechɔɡa aa suu nɔɔ n ŋɔ nɔ. Maa dɛ ŋɔ nɔ, n dɛ nyin wedɛɛɡa ɛɛ, kɛ maa won an ɛ.

Tɔn Pɔɔl Aa Chwerɛ Rom Tena 7:24

Akwe! Bɔkwa waa na mɛ ken ɔ? Umee dɛ́ lɛɛ mɛ bwadabii nɔ waa dɛ kaa n ne seo ta nɔ nɔn ta nɔ?

Sekaria 3:3

Dɛ Josua cheɡɛ Korowii nyundua torome la sie dɛ do laaladoŋa.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

Job Tɔn 25:4

Ɛrɛɛ nɛn ɛɛ ba wona ŋɔ o waa toɡrɔ Korowii be nɔ? Ɛrɛɛ nɛwɛnyini ɛɛ ba wona ŋɔ doŋa toole o nɛɔ?

Job Tɔn 14:4

Nɛn waa kah doŋa la ɛɛ won lolɛ nɛn waa wola doŋa kaeh yaa? Nɛn toole!

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Aesaya 46:12

Hé no n be, deŋnekpeɡ tena, he ne waa aa toɡra baah jaŋne.

Yela 51:5

N lola saŋ bwaa n le ɛ wechɔɡa, hale saŋ n nya aa kpoŋe n tea.

Wepila 7:13

Asɛ nomonome la bɛl pɛɛ mɛ ŋɔ, “Nɛra nɔ baa do yapoŋa nɔ, umewaa yɔ? Leperaa ba leɔ?”

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Hosia 4:19

Kawulewule ɛɛ tao kpɔ ba kaa, ásɛ sihiih kpo ba sarahare baa dɛ ɛ voɡa ta la wa.”

Aesaya 48:1

Korowii ŋɔ, “Hé no, Jekɔb naanar baa bera dɛɛ yerɛ heyaa Israel tena he le Juda dea, he dɛ ŋwɛɛ men Korowii sɔn, dɛɛ ɛ kɛŋɔ he dɛ tomɛ Korowii Israel tena aa dɛ tomɔ la, kɛ haa waa haa dɛ bol la ɛ.

Yela 1:4

Gɛ laa nɛnchɔɡa la te do, ba waa do kɛŋɔ haahra, peu yon ta dɛ́ kaa ane la ken.

Job Tɔn 40:4

“N Naa Korowii, menee ume, ń ŋɔ mɛɛ chaŋee yɔ? Maa wobɛlbwaa bol.

Aesaya 1:30

Hɛɛ ɛo kɛŋɔ dajen o papooni aa jwala dɛɛ chure ken, dɛ́ do kɛŋɔ daa baa dua baa wola nee a mune do ken.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Lewi Dea Tena 13:12

Dɛ sɔfo la nao kɛŋɔ weela la lɔ naate bwadabii bwa ta, le o nyundua ba ta harɛ naa,

2 Samoɛl 22:46

Ba bambile chɔɡɔ, dɛ kpɔ bochela le ba dekpeɡa bini dɛɛ ba.

Yela 14:4

Korowii ŋɔ, “Amɔ wechɔɡ-ɛɛra ɛɛ hweli waa yaa? Banee lawɛ n nɛra baa teŋɛ n nɛɛ dɛɛ liɡli kɛŋɔ kondikwa, baa wola men Korowii soŋe ŋɔ ń cha ba la.”

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Aesaya 8:17

Mɛɛ kpa Korowii waa waa bola la waa. O laa sie kpɔ Jekɔb naanar nɛɛ taraken, kɛ mɛɛ kpɔ n hwɛɡaa do Korowii nɛ.

Aesaya 43:22

Korowii berɔ ŋɔ, “Kɛ ane a bwa, he ta men tomɛ, Israel tena, n waa pe heya.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Daneɛl 9:13

Gɛ tenten baa chwera Mosis Mmara la ta la, ɡɛ deŋnetɛra la bwaa ba ya nɛ. Kɛ ya ta Korowii yaa dɛ tomɔ la bɔr nyine ó cha yaa ya le ya wechɔɡa ta, ásɛ dɛ no o kasinteŋ waa la.

Hosia 7:7

Ba bandia la do kɛŋɔ fononoo bini nii ken, ba kpɔ kpoo ba koranar. Ba koranar bwa serewɔ, kɛ nomɛlbwa aa men soŋe ŋɔ ń chao.