Aesaya 64:12 - mzwDBL

¹² N Naa Korowii, dɛ he na anɔ bwa ken aa, hɛɛ soo nyiŋi dɛ́ ɡel ya na waa a ɡwaa yaa nɛɛ kohona naa?

Aesaya 64:12 Referans Kwoze

Aesaya 42:14

Korowii ŋɔ, “Maa mwaala ne biɡro, n dɛ nyin waane dɛ́ ɛ, kɛ n helɔ jeiih ken. Taraken te, mɛɛ do lɔŋɔree kɛŋɔ haah loltea aa lɔɔ ken. N eehnɔ, n hweera bwa pi.

Sekaria 1:12

Ate, Korowii nyundua torome la ŋɔ, ‘Koronar Bwa Kooro, bene fifraanuanɛɛ nɔ he baah aa di Jerusalam ne Juda bwɛjena tena nɛ. Saŋ besoo hɛɛ ba ba sum nae yɔ?’

Yela 83:1

N Naa Korowii, bɛ nyoa tɔ! Ir nyu ne.

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”

Yela 79:5

N Naa Korowii, saŋ besoo he baah di ya nɛɛ ka tel ɔ? He bandia ɛɛ teŋɔ ɡwaa ya nɛɛ ɡɛ dɛɛ la naa?

Yela 10:1

N Naa Korowii, ɛrɛɛ n ne he baah do jaŋne ken nɔɔ? Ɛrɛɛ waa puu mɛ, he sɔɔh mɛ nɔɔ?

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Aesaya 65:6

N lii ɡɛ maa tɛr ba deŋne cheɡ, ba chwera bil n sie. Maa sie laa kpɔ waa baa ɛa nɔ ta. Mɛɛ bɔ ba a kemee,