Aesaya 63:9 - mzwDBL

⁹ Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Aesaya 63:9 Referans Kwoze

Kaala 33:14

Belaa Korowii chaŋo ŋɔ, “Mɛɛ ja he nɛɛ n ne he kaa, ásɛ he dɔ bambisɔɔhna.”

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

We-ɛɛla 12:11

Belaa Pita ta na waa aa ɛo la, dɛ ŋɔ, “Namee n ta jemɛ kɛ N Naa Korowiirii ɡela o nyundua torome nɔ ba lɛɛ mɛ le Kooro Hɛrɔd nɔn ta, dɛ lee mɛ waa Juu tena bwa fe aa dɛ lii kɛ mɛɛ nao la ta.”

Mmarare 1:31

Hé berɔ na ɡɛ waa ɛa tɛ heyaa pua hɛŋle ɡbo harɛ la ta ja, ɡɛ waa kpɔ heyaa kɛŋɔ mɛɛ yon kpɔ o bie la. O kpɔ heyaa le bela bwa dɔŋ haa lea dɛ ba tel bonɔ nɔ.’

Kaala 19:4

“Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.

Kaala 14:19

Korowii torome waa tɔ Israel tena sie o ne baa valɛ la le ba sie dɛ ba che ba habɔɔ. Bam la waa tɔ ba sie la ɡe le ba sie dɛ ba che ba habɔɔ,

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Mumpar 48:16

Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Hibru 2:18

Bɔnsam daahno na dɛ ɛo hɔhɔrɔwa ó fe ɛ wechɔɡa, kɛ o ta on wone. Anomanta, wɛɛ wonoo cha nɛra Bɔnsam aa dɛ daah ba dɛɛ na la.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

We-ɛɛla 7:38

A ɡɛ Mosis nɔ ne ya naawa ne nyundua torome waa bol waa o be Sinai Bwejen ta laanee fa dɛ cheme pua hɛŋle ɡbo harɛ la ta. Belaa Korowii kpɔ o waa aa wola ɡarɛ, aa wola tonɛ ɡe la, tɛo ŋɔ ó ba ŋɔ ya be.

Hosia 1:7

Kɛ Juda harɛ ta tena te, mɛɛ nyin baa, mɛɛ lɛɛ baa. Dɔmkwaa aa do kɛ to ne hɛma, ne tokobie dɛ jaɡre nɛra aa kpɔa dɛɛ la laa ne laa mɛɛ ba kpɔe lɛɛ ba. Men Korowii baa dɛ tom mɛ la kpeɡri nee mɛɛ ba ba lɛɛ.”

Amanesoma Luk Aa Chwera Tɔn 15:5

Dɛ naate na a ɡɛ pee nɔ naa, silɛɛ kohona nomanta, wɛɛ kpɔɔ dawɛ vam ba dem.

Matiu 25:45

Ásɛ n ŋɔ ba be ŋɔ, ‘Kasinteŋ, ɡɛ haa wola n nimanar baa ɛ nɛŋɡwɛɡra waa nɔ dɔŋa puu ba he ta bɛlbwa chae la, menee haa wola chae la.’

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

1 Kɔrent 10:9

Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la.

We-ɛɛla 9:4

Belaa o chole harɛ dɛ no kɛŋɔ nomɛl aa dɛ yerɔ dɛɛ ŋɔ, “Oo, Sɔɔl! Ɛrɛɛ he che n nɛɛ ɡɛ nɔɔ?”

Kaala 33:15

Asɛ Mosis ɡe ŋɔ, “Ya ne haa kaa tenaa, amɔ te bɛ yaa lawɛ le bonɔ.

Mmarare 4:37

Nyina waa dɛ nyin he naawa nomanta, o le heyaa tɛ o te dɛ che o kpeɡri kohona waa dɔa ta dɛ ɡbaɡba ja he nɛɛ dɛ le he ne Ijipt harɛ ta.

Job Tɔn 37:23

Korowii Waa ɛ Kpeɡri Bwa Dɔɔ kan, yaa won bɛno, o waa toɡrɔ dɛ do wer, waa nɛn fiiɡi.

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Aesaya 43:4

He waa hiah mɛ kohona, he waa aa dɔ jirima n be mɛɛ nyin heyaa nomanta, mɛɛ kpɔ harɛre ne a nɛraa charɛ he nyu.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 51:10

He laa ɡela mpo hweeh, ŋwɛnɛ chɔ bela waa luŋa, asɛ nɛra haa lɛɛ ba won le o baŋ la aa?

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Joel 2:18

Anee ɡela Korowii sie ba o nɛra nɛ, dɛ sune ba nɛ harɛ la ta.

Kaala 15:13

He nyina aa wola jaɡa dɔe nomanta, hɛɛ tɔ he nɛra haa lɛɛ ba la siee. Hɛɛ kpɔ he kpeɡrii dɛɛ nyiŋi ba nɛ, dɛ́ kpɔ ba kaa harɛ waa do ɡoroŋ ta.

Yela 25:22

N Naa Korowii, lɛ he nɛra Israel tena le ba wenaale bwa ta.