Aesaya 61:2 - mzwDBL

² O tom mɛ ń ɡel nɛra bwa jemɛ kɛ tɔpere Korowii aa dɛ ba o nɛra lɛɛ dɛ́ tɛr ba dɔma deŋne telo, dɛ́ larawe nɛra bwa baa dɛ wi bwara.

Aesaya 61:2 Referans Kwoze

Matiu 5:4

Nɛra baa dɛ wi taraken la, ba na som, dɛkalkɛ Korowii ɛɛ larawe ba bwaraa.

Aesaya 34:8

Korowii le tɔpere bɛl cheɡ, dɛ́ ba lɛ Jerusalam tena, dɛ́ chɔɡ ba dɔma bɔ kem.

Aesaya 57:18

N jemɛ ɡɛ ba wechɔɡa ɛɛ aa chɔɡ ba kɛŋɔ weela, kɛ mɛɛ chaah baa, dɛ́ tɔ ba sie, dɛ́ baɡ ba ŋwɛnɛ, dɛ́ larawe banɔ la baa dɛ wi bwara,

Amanesoma Luk Aa Chwera Tɔn 4:19

asɛ dɛ ɡel nɛra bwa jemɛ kɛ tɔpere Korowii aa dɛ ba o nɛra Lɛɛ la telo.”

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

Jeremia 31:13

Belaa toli ɛɛ ba sae ba sie lɛ, ásɛ bonɔɔna ne banjeni bwa ɛɛ hɛɡre. Mɛɛ larawe ba bwaraa, dɛ́ ɡel ba wii ber ba silɛɛ, ásɛ ba dɔ hɛɡra kohona le ba suna dii ta.

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Aesaya 66:14

Dɛ he na ɡɛ waa nɔ a chiɡ aa, he sie ɛɛ lɛo, a tɛɛ kpeɡri, ásɛ he jemɛ kɛŋɔ n dɛ cha nɛra baa dɛ no n deŋna wa, dɛɛ baɡle n bandia nɛra baa ɛɛ mɛ dɔm nɛ.”

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

Aesaya 35:4

Hé ŋɔ banɔ la ba bambile aa chɔɡa la be ŋɔ, “Hé che kiŋkiŋ, he bɛ ɔmɛ. Korowii haa dɛ tomɔ la dɛ ba, dɛ́ ba cha heya. Wɛɛ ba lɛ heyaa le he dɔma nɔn taa, dɛ́ tɛr ba deŋne kohona bɔ kem.”

Amanesoma Luk Aa Chwera Tɔn 6:21

He banɔ la lɔr aa dɛ kpo heyaa taraken la na som, dɛkalkɛ hɛɛ ba vaɡɔɔ. He banɔ la haa dɛ wi taraken la na som, dɛkalkɛ hɛɛ ba mamɔɔ.

2 Kɔrent 6:2

Korowii bolɔ ŋɔ, “Saŋ aa tela kɛŋɔ ń na he sum la, n no he be. N ta he chae vɛɛh a ɡɛ saŋ, n lɛ heya.” Hé no! Tɔpere telo kɛŋɔ he no Korowii be ó na he sum. Finii he lɛɛ tɔpere.

Aesaya 1:24

Anomanta, Korowii, Koranar Bwa Kooro, Israel Kpeɡnɛn la ŋɔ, “Namete he berɛ n dɔma n bwaawee ir he nɛ. Mɛɛ tɛr he deŋnee bɔ kem ásɛ n baah sɔɔh mɛ.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 34:2

Korowii baah di harɛre nɛra bwa nɛ. O bwaawee iro kohona ba laa tena nɛ. O lee ba cheɡ dɛ́ kpoo ba kwaraa.

Aesaya 40:1

Korowii haa dɛ tomɔ la ŋɔ, “Hé larawe n nɛra bwara.

Aesaya 58:5

Kenii hɛɛ yerɛ nyoa vɔwa nɔ naa? He kpɔ tɔpebeŋkpoŋ dɛ pwɛr he te, kɛɛ he ɡure nyu su kɛŋɔ kpɔɡ, dɛ kpɔ lweyale tɔ dɛ so tɔɔ ta naa, dɛ anee nyoa vɔwa aa? He dɛ lii kɛŋɔ men Korowii sie dɛ lɛ ɡɛ ta kɛɛ?

Aesaya 60:10

Korowii ŋɔ Jerusalam tena be ŋɔ, “Nɛŋhɔɔhraa dɛ́ berɛ ba kwaa ma he bwɛjen nɔ danjwɛɛre, ásɛ ba koranar ɛɛ tomɛ heya. N baahnee fa dia n tɛr he deŋne. Taraken te, mɛɛ dɔ tedomaa tɛ heya, dɛ́ sune he nɛ.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.