Aesaya 60:13 - mzwDBL

¹³ Baa che Lɛbanɔn kɔr dadɛɛɡa ne ba dajaŋa bwa soo siwii dɛ́ ba kwaa n Dea maa lɔ o bini nɔ ne n bwɛjen la á do wer.

Aesaya 60:13 Referans Kwoze

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

1 Webena 28:2

Ate, Kooro Devid ir che dɛ ŋɔ, “Hé no n be, bwɛɛla. N liiro ŋɔ a chɛ kɛ ń do dea dɛ́ kpɔ Korowii Ne Nɛwɛnyina Fɔo Daka la ba cheɡ o bini, ó ɛ Korowii natiɡribɔr. Asɛ dɛ baɡle ɡɛ baa mao.

Yela 132:7

Belaa ya ŋɔ, “Hé ɡel yá kaa Korowii be o Dea, dɛ́ ka tomɔ o kookara la sie.”

Yela 96:6

O kan dɛ dɔ jirima kohona, kpeɡri ne jirima su o Dea.

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Aesaya 55:13

Bela sɔɔhne aa lole la, dajaŋa ɛɛ le a buɡ taa, ásɛ jabalnadaŋɛre le dadɛɛɡa buɡ ta. Gɛ waa nɔ ɛɛ ɡeloo Korowii dɔ sɔn kohona, dɛ́ chɔ saŋ bɛlbwa dɛɛ lii waa men Korowii aa ɛa.”

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Yela 99:5

Hé kpɛɛ Korowii yaa dɛ tomɔ la, hé ɡuŋi o kookara sie dɛ́ tomɔ, onee do ɡoroŋ kohona!

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Ɛsekeɛl 47:7

Maa tel bela la, n na daa a warɛ kohona che moo la baŋ bɛlbwa ta.

2 Webena 2:15

Anomanta, ɡel mea ne ane soo siwi ne ɔleve noo dɛ sen haa baɡɛ nyoa la tel he bonɔɔ be.