Aesaya 6:6 - mzwDBL

⁶ Belaa Serafim la bɛl kpɔ nyɛwa, dɛ kpɔ ka nyɛwɛ nihɔl le kon baa ɛ saraha o ta dɛɛ tɛ Korowii la ta, dɛ kpɔ ir ba n be,

Aesaya 6:6 Referans Kwoze

Ɛsekeɛl 10:2

Belaa Korowii ŋɔ baa la waa tɔ yapoŋ la be ŋɔ, “La saaker nakpale aa lɔ Kerobim la lɔɡa la baah ta. Pa ninhɔla he nɔɔra su, dɛ́ kpɔ merɛ bwɛjen la ta.” N taa cheɡa dɛɛ nyiŋu la, o kaa jo.

Hibru 13:10

Juu tena sɔfore baa dɛ ɛ toma Korowii Tɛnte Dea bini la ta ŋwɛnɛ dɔe kɛŋɔ ba di ya saraha kwaa yaa dɛ di la ane.

Hibru 1:7

O bol nyundua toroma la ɡe waa ŋɔ, “O ɡelɔ o nyundua toroma do kɛŋɔ peu ne ninlao.”

Aesaya 6:2

N berɔ na hweera kwaa ane aa dɛ lawɛ nii dɛ baro cheme baa yera Serafim. A bɛlbwa dɔ kena anumɛl. A kpɔ a kena la bini anɛ dɛɛ tɔ a siebɔr, dɛ kpɔ anɛ dɛɛ tɔ a nakpale ta, asɛ dɛ kpɔ anɛ aa kaa la ɡe dɛɛ ir.

Lewi Dea Tena 16:12

Ó kpɔ kon buh nii le saraha kon la ta n sie, dɛ́ ɛ daawiile a sɔɔh aa soma ba nama a kper kɛrɛdɛ nɔndela anɛ, dɛ́ kpɔ jo ba Boɡoroŋ Tenten pateesan la habɔɔ.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

We-ɛɛla 2:3

Asɛ ba na kwaane kɛŋɔ ninlao ken, asɛ a peɡri dɛ ba so ba nɛra baa lɔ bela la te bɛlbwa nɛ.

Matiu 3:11

N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Nɛra Kura 16:46

Belaa Mosis ŋɔ Arɔn be ŋɔ, “Kpɔ kon baa dɛ fuh daawiile o bini la dɛ́ do ane o ta, dɛ́ buh nii le saraha kon la ta do o ta. Ɛ warane kpɔ kaa nɛra la baah ta, dɛ́ ka soŋe ba wechɔɡa Korowii be ó kpɔ kɛ ba. Korowii baah di ba nɛ, weechɔɡa la pa mun ba bini.”

Kaala 25:38

O kon baa kpɔ dɛɛ fee ŋwɛn la doŋa ne o loɡbakorɔre bwa chɛ kɛŋɔ á ɛ suuɡaswɛm tenten.

Jeremia 1:9

Belaa Korowii tɛr nɔn leɡe n nyoa dɛ ŋɔ n be ŋɔ, “Taraken n kpɔ n waa dɛɛ do he nyoa, hé ka bol.