Aesaya 6:12 - mzwDBL

¹² Mɛɛ doŋi nɛra laanee kaa bojaŋ, dɛ́ ɡel harɛ la bwa chɔ pɛɛ.

Aesaya 6:12 Referans Kwoze

Jeremia 4:29

Nɛra baa soɡe jaɡre ta, ne banɔ la baa kpoŋe tori ɡbɔɡa ɡelɔ nɛra bwa chwa kaa. Bane chwao ka sɔh kɔne bini, bane chwa ka teeh bwea. Bwɛɛre la bwa chɔ pɛɛ, nɛra toole a bini.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Wiile 5:20

Ɛrɛɛ he soh ya waa biɡri ɡɛ nɔɔ? He ta ɛɛ ba lii ya waa ja tenaa?

Jeremia 15:4

Mɛɛ ɡeloo harɛre nɛra bwa bambile teŋe ba wa, waa Juda Kooro Hɛsɛkea bibaa Manasɛ aa ɛa Jerusalam la wa.”

Jeremia 12:7

Korowii berɔ ŋɔ, “Mɛɛ vɛh n nɛra Israel tenaa, nɛra maa lee ba tɛ n te la. Mɛɛ lawɛ nɛra maa dɛ nyin ba waa do ba dɔma nɔn ta.

Aesaya 26:15

N Naa Korowii, he ɡelɔ ya harɛ do kan. He tuuh o jwɛhre kaa sie o do kan. He ɛ ɡɛ dɛ dɔ jirima nɛra be.

2 Koranar 25:21

Ribla waa lɔ Hamat harɛ taa Babelɔn kooro ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

2 Koranar 25:11

Laa sitɔɔ Nebusaradan lawɛ nɛra baa ka bwɛjen la ta, ne tom-ɛɛra, dɛ banɔ la baa le Kooro Sedekia habɔɔ, dɛ ka teŋɛ Kooro Nebukadnesa nɛɛ la bwa kaa Babelɔn harɛ ta.

Tɔn Pɔɔl Aa Chwerɛ Rom Tena 11:15

Aa cheɡɛ Israel tena ne Korowii baah chɔɡa ta asɛ nɛwɛnyina kabora ne Korowii baah kwaa nɔ, dɛ Korowii berɔ lɛ Israel tena dɛ kpɔ ba ɛ o bii aa, bɔkwa nee aa ba bala ɔ? Aa ba silɛɛ nee kohona, kɛŋɔ lala bwa aa ir seo ta.

Aesaya 5:9

Nemenɛ Korowii bol waa a chole n deŋna ta. O ŋɔ, “Kpelaa, demjena ɛɛ che dimɡbeenii, deremi aa kana dɛ do wer ɛɛ cheo nɛn aa lee do dɛ́ so a bini.

Aesaya 13:12

Nɛra baa le a nyoa ɛɛ ka tama kenii, ba waa do tɔɡre ɡwaa suuɡaswɛm tenten.

Jeremia 52:27

Ribla waa lɔ Hamat harɛ taa Babelɔn koojen ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

Sefania 1:3

Mɛɛ chɔɡ nɛwɛnyina ne ola bwaa, ne jumbii aa dɛ ɡah nyundua, ne mpo bini pɛŋa bwa. Nɛnchɔɡa ɛɛ daŋɔɔ chɔ kɛŋɔ dea aa chola chɔ ken, dɛ́ chɔɡ nɛwɛnyina bwa, nomɛlbwa aa wola ka. Men Korowiirii bola.