Aesaya 59:8 - mzwDBL

⁸ Deŋnesɔɔhna ŋwɛnɛ te, haa an jemɛ. Kasinteŋ ɡe toole he waa bini. He we-ɛɛla bwa ɡolo, a ɡel nomɛlbwa waa dɛ teŋɛ a ta aa deŋnesɔɔhna waa jemɛ.

Aesaya 59:8 Referans Kwoze

Tɔn Pɔɔl Aa Chwerɛ Rom Tena 3:17

Waa aa ɡela nɛn bambile ɛɛ sɔɔhno la te, baa an jemɛ.

Amanesoma Luk Aa Chwera Tɔn 1:79

ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Matiu 23:23

Hé bwɛɛlɛ, he Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! He kondiili do tamaa ɡɛ bɛlbwa naa, he won a bini pera bɔre fi dɛ́ kpɔ bɔrbeŋkpoŋ aa ɛ Korowii kwaa la ka tɛo, ɡɛ Mmara la aa baɡla la, kɛ dɛ ɡel Mmara la bini waa aa tɔ sie dɛɛ baɡle ŋɔ hɛ́ɛ di kasinteŋ, dɛ́ɛ na nɛra sum, ásɛ dɛ ɡel nɛra ɛɛ yarada heyaa la te. Gɛ waa nɔɔ chɛ kɛŋɔ hɛɛ ɛ, dɛ́ ja anɔ la haa dɛ ɛa la ta.

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Aesaya 48:22

Korowii ŋɔ, “Bosɔɔhna toole dɛ tɛ wechɔɡ-ɛɛra.”

Sɛɡla 28:18

He waa bini wer aa, he dɛ dɔ he nyu, kɛ dɛ he waa bini ta toɡraa, he dɛ chole warane.

Sɛɡla 3:17

O ɡelɔ he soɡa bini ɛɛ do wer, dɛ́ berɛ ɡel hɛɛ dɔ bosɔɔhna.

Sɛɡla 2:15

Ba ɛ nɛra ba wa aa wola sie chɔ, dɛ ɛ nɛra baa wola ba nɛɛ hwɛɡɛ. Ba waa bwaa kɛ baa neɡre nɛra.

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Aesaya 59:9

Ate, nɛra la ŋɔ, “Ya ne kasinteŋ baah jaŋne, ya waa ɡe ta toɡrɛ. Ya dɛ nyin bochaah ta dɛ́ valɛ, kɛ biro tenten ɡboo ya na,

Aesaya 59:11

Ɔmee chole ya nɛɛ ya wi dɛɛ di suna. Ya dɛ nyiŋi kɛŋɔ, Korowii ba lɛ yaa le nɛra baa dɛ fiiɡi yaa nɔn ta, kɛ yaa wobɛlbwa na.

Sɛɡla 2:13

nɛra baa vɛh wedɛɛɡa ŋwɛnɛ, dɛ kaa kpɔ wechɔɡa ŋwɛnɛ aa ɛ biro ta wa,

Sɛɡla 21:8

Nɛn waa di waa ane bolchɔɡe la, o wobɛlbwa aa toɡre, kɛ nɛn waa di bole la soɡa bini toɡrɔ.

Aesaya 65:2

Saŋ bɛlbwaa n paɡri n nɔɔra kɛŋɔ ń lɛ n nɛra ba deŋne aa kpeɡa, dɛɛ ɛ waa baa dɛ nyin.