Aesaya 59:20 - mzwDBL

²⁰ Korowii ŋɔ o nɛra be ŋɔ, “Mɛɛ ba Saayɔnee dɛ́ ba lɛ he banɔ la haa charɛ liire le he wechɔɡa ta bwa.

Aesaya 59:20 Referans Kwoze

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

We-ɛɛla 3:26

A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”

Daneɛl 9:13

Gɛ tenten baa chwera Mosis Mmara la ta la, ɡɛ deŋnetɛra la bwaa ba ya nɛ. Kɛ ya ta Korowii yaa dɛ tomɔ la bɔr nyine ó cha yaa ya le ya wechɔɡa ta, ásɛ dɛ no o kasinteŋ waa la.

Aesaya 40:9

Jerusalam tena, he teeh kaa bwejena dor, dɛ́ ka bol amanesoma la! Hé bola takpeɡ ne, he bɛ ɔmɛ, hé ŋɔ Juda harɛ bwɛɛre nɛra be ŋɔ, “Korowii haa dɛ tomɔ la dɛ ba.”

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Job Tɔn 19:25

N jemɔ kɛŋɔ n Lɛɛ lole, waa bwa jaɡa saŋ la, wɛɛ ba harɛ nɔ taa, dɛ́ ba bol n waa tɛ mɛ.

Aesaya 10:21

Ba bini tama ɛɛ berɔɔ ba Nemenɛ Korowii be.

Aesaya 10:22

Israel tena, dɛ he warɔ kɛŋɔ mpo nyoa hɛŋle kwaraa naa, he tamaa dɛɛ ba kae dɛ́ berɛ ba. Chɔɡa chɔ le dɛɛ kpa heya. Gɛ Korowii aa cheɡ heyaa la, he chɛ ɡɛ.

Aesaya 62:11

Korowii bol waa nɛra baa lɔ harɛ jaɡa bwa be ŋɔ, “Saayɔn tena, he na ɡɛ he Lɛɛ aa dɛ ba! O kpoŋe o kembɔr, o ne nɛra waa lɛɛ ba dɛɛ ba.”