Aesaya 59:2 - mzwDBL

² He wechɔɡaa tɔ heyaa ŋwɛnɛ, a do kɛ waa he be no la, anee pere he ne o baah he dɛ soŋo waa, waa wola chaŋe, dɛ kpɔ o te dɛɛ sɔh heyaa la.

Aesaya 59:2 Referans Kwoze

Jeremia 5:25

Anomanta, ɡɛ waa aa wera nɔ paŋɛ heya, he wechɔɡa haa ɛa la wa.

Sɛɡla 15:29

Korowii ne wechɔɡ-ɛɛ baah jaŋne, o dɛ no nɛn o wa aa toɡra wesoŋa.

Maeka 3:4

Saŋ bɛl ɛɛ bao nomonome nɔ wi yerɛ Korowii kɛ waa ban chaŋe, waa ba wesoŋaa no wechɔɡa baa ɛa la wa.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Ɛsekeɛl 39:29

Maa sie laa kpɔ ba nɛɛ kpa, mɛɛ kpɔ n Domaa ba so Israel tena nɛ. Men Nemenɛ Korowiirii bola.”

Aesaya 57:17

Ba wechɔɡa ne ba sibeɡra waa nomanta, n baah fa di ba nɛɛ taeh, asɛ n tɛr ba deŋne dɛ laa sie kpɔ ba nɛ. Kɛ ane a bwa ba deŋne kpeɡri, dɛɛ ɛ waa ba bambile aa lawa.

Josua 7:11

Israel tena ɛ wechɔɡa, ba chɔɡ n ne ba fɔo yaa fɔwa n do ba ŋɔ baa teŋɛ a ta la ta. Ba kpɔ kwaa maa ŋɔa ba le cheɡ tɛ mɛ la ane. Ba ŋwɛa dɛ teŋe nyosone, dɛ paa ja ba laala ta.

Aesaya 58:4

He nyoa vɔwa habɔɔ he ɡarɔ dɛɛ yo. He dɛ lɔɔ dɔŋa nɔŋɡuŋe ne. He dɛ lii kɛŋɔ ɡɛ nɔɔ dɛ́ ɡel n no he wesoŋa kɛɛ?

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

1 Samoɛl 4:3

Israel laa tena baa kaa la aa bera ba bela baa baŋre ba tɛnte deene la, ba nomonome la bɔɔ ba ŋɔ, “Ɛrɛɛ Korowii ɡel Filisti tena pɔ ya nɛɛ fini ken? Hé ɡel yá ka kpɔ Korowii Ne Nɛwɛnyina Fɔo Daka la le Silo ba, ásɛ ya ne wɛɛ valɛ ó lɛ yaa dɛɛ le ya dɔma nɔn ta.”