Aesaya 59:13 - mzwDBL

¹³ Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Aesaya 59:13 Referans Kwoze

Jems 3:6

Nyondoŋe do kɛŋɔ nihɔl ken, dɛ won wechɔɡa ɛɛ taeh ya bini, dɛ won yaa chɔɡa ya soɡa bini bwa. Bɔnsam niinii dɛɛ choŋu.

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

Jems 1:15

Pɛla waa wola were la dɛ́ lolɛ wechɔɡa, ásɛ wechɔɡa ɡe baa waraa, a yon lolɛ seo.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Matiu 10:33

Nomɛlbwa ɡe waa vɛɛh mɛ nɛra baah ta, dɛ ŋɔ o ta n nɛɛ jae la, ɡɛɛ n ɡee ba o vɛɛh n Mɛɛ waa lɔ nyundua la sie, dɛ́ ŋɔ n ne o laa.

Hosia 11:12

Korowii ŋɔ, “Nyosone ɡboo Israel tena teŋe dɛɛ tɛ mɛ, tɔpere bwaa baa neɡ mɛ. Juda tena ta dɛ ɛɛ mɛ deŋnekpeɡ, men Korowii Maa Do Goroŋ dɛ dɔ kasinteŋ la.”

Hosia 7:13

Bá bwɛɛlɛ! Ba vɛɛh mɛ dɛ berɛ habɔɔ kpo mɛ. Waa dawɛ ba nɛ, ba ɛ deŋnekpeɡ n nɛ. N pɛla lole kɛŋɔ n fee lɛɛ ba, kɛ ba teŋe nyosone dawɛ n nɛ.

Hosia 6:7

Ba chɔɡ n ne ba fɔo la kɛŋɔ bobɛl baa dɛ yerɛ Adam ken. Ba le n habɔɔ harɛ la ta.

Hosia 1:2

Korowii aa pa mun che Hosia nɛɛ dɛɛ bol waa Israel tena be la, o ŋɔ o be ŋɔ, “Ka mo haah, kɛ wɛɛ le he habɔɔ dɛ́ lolɛ sɛmbii, ásɛ ba ir dɛ́ do kɛŋɔ ba nya. Gɛɛ n nɛra Israel tena waa aa wola kasinteŋii dɔ tɛ mɛ, dɛ́ le n habɔɔ.”

Ɛsekeɛl 18:25

Kɛ he dɛ bol ŋɔ, men Korowii waa ta toɡrɛ. Israel tena, hé no, he dɛ lii kɛŋɔ men Korowii n waa ta toɡrɛ kɛɛ? He waa laa wola toɡraa?

Ɛsekeɛl 6:9

Banɔ la baa laɡ ba kaa harɛfala ta la, belaa baa ba liira kɛŋɔ ba fa ɛo wechɔɡa, dɛ vɛh o waa ta teŋa, dɛ kaa tomɛ voɡa. Ásɛ a we ba nɛ, wechɔɡa ne waa Korowii aa kia ba ɛ la wa.

Jeremia 42:20

he kono kohona, a chɛ kɛ hé sewɛ. He ŋɔ n be ŋɔ ń soŋe Korowii yaa dɛ tomɔ ó nyiŋi he nɛ, dɛ baɡɛ nyoa ŋɔ hɛɛ teŋɛ waa waa do heyaa bwa taa.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

Jeremia 5:23

Kɛ he nɛra nɔ te, he ɡɛnɔ dɛ ɛ bambikpeɡ nɛra. He berɛ habɔɔ kpo mɛ dɛ ɡel n toma ɛɛ.

Jeremia 3:20

Kɛ ɡɛ haah o wa aa wola kasinteŋ dɔe tɛ o jaa la, ɡɛɛ he Israel tena wa aa wola kasinteŋ dɔe tɛ mɛ. Men Korowiirii bola.”

Jeremia 3:10

Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Aesaya 57:11

Korowii ŋɔ, “Bɔkwa tenee voɡa hɛɛ ɔma kohona dɛ le n habɔɔ, dɛ soh n waa kwaraa ɡɛ nɔɔ? Maa mwaa he bwa ne saŋ la bwa, waa ɡela haa wola men ɔmɛ nɔ kɛɛ?

Aesaya 48:8

N jemɔ kɛŋɔ he waa ta kasinteŋ dɔe, he ɛ nɛra bane baa jema kɛ ɡaeh tenaa heya. A waa haa wola waa nɔ bwa no la.

Aesaya 32:6

Dɛkalkɛŋɔ ɡɛne te dɛ bol ɡɛnewa, dɛɛ lii wechɔɡa dɛ́ ɛ. Waa waa dɛ ɛ ne anɔ la waa dɛ bol bwa ɛ Korowii bwara wechɔɡe. O dɛ vɔmɛ nɛn lɔr aa dɛ kpoo kondikwa, dɛɛ vɔmɛ nɛn nyɔɡre aa dɛ kpoo ne.

Aesaya 31:6

Korowii berɔ ŋɔ, “Israel tena, he berɛ ba men he siwi aa sa mɛ, dɛ berɛ habɔɔ kpo mɛ la be.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.

Yela 78:36

Kɛ dɛ neɡra ɡboo baa neɡro, ba wobɛlbwa ta kasinteŋ ɛɛ.

Yela 18:21

N teŋɛ Korowii waa ta, n ta wechɔɡa ɛɛ dɛ vɛoh.

Josua 24:27

Dɛ ŋɔ ba be ŋɔ, “Hé na, bwe nɔɔ ɛ ya bwa danseɛ, o no wobɛlbwa Korowii aa bol ya be. Wɛɛ ɛ danseɛɛ, dɛ he baa le habɔɔ ŋɔ haa Korowii tomɛ kpa aa, o le heyaa tɛ.”

Job Tɔn 31:28

a ɡe fe ɛ wechɔɡa Korowii be ó bol dɛ́ pa bole, n fe ɛ nɛn n wa aa wola kasinteŋ dɔe, Korowii waa lɔ nyundua be.

Aesaya 10:1

Nɛra baa dɛ do mmarare aa wola aŋwɛnɛ ta ɛɛ, ne mmarakpeɡa dɛ́ fiiɡi nɛra la, ba bwɛɛlɛ.

Aesaya 30:12

Anomanta, Israel Nɛŋɡoroŋ la ŋɔ, “Haa vɛh waa nɔ, dɛ kpɔ he ɡbaɡba ŋwɛnɛ dɛɛ di kpeɡri nɛra nɛɛ dɛɛ neɡ ba nomanta,

Aesaya 58:2

Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”

Aesaya 58:9

Asɛ name dɛ he soŋ mɛ naa ń no, he do lɔŋɔ yer mɛ naa, ń sɛh ŋɔ, ‘Men nɔ.’ Dɛ he ɡel nɛra hɔhɔrɔwa ɛɛ, dɛ ɡel waa kpɔe dɛ daɡ ba, dɛ ɡel wobochɔɡa bola,

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Jeremia 12:8

N ɡbabir nɛra maa lee ba tɛ n te chwa mɛ, ba do kɛŋɔ nyujente waa lɔ kpɔɡ bini dɛɛ kɔr mɛ, anomanta, n hah ba.

Emɔs 6:12

Jaɡre won bwea dor chwae yaa? Nɛn ɛɛ kpɔ nae ka parɛ bela aa? Kɛ he ɡelɔ kasinteŋ do kɛ tɛɡchɔɡa, asɛ waa aa toɡra berɛ do kɛŋɔ wechɔɡa ken.

Jeremia 2:16

Laa tena baa le Ijipt bwɛjena, Mɛmfes ne Tapanes ta dɛ fonɛ he nyuune la kpalkpal kɛ yoma.

Jeremia 2:17

Haa vɛh men Korowii haa dɛ tom mɛ, ɡɛ saŋ maa tɔ he sie kpɔ heyaa dɛɛ kaa la, a waa laa ɡɛ waa nɔ bwa ba he nɛɛ nɔ naa?

Hosia 7:1

Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.