Aesaya 57:2 - mzwDBL

² Nɛra baa ɛ nɛndɛɛɡa la, ba serewaa, ba dɛ chɔ sɔnɔnɔɔ deŋnesɔɔhna ta.

Aesaya 57:2 Referans Kwoze

Wepila 14:13

N berɔ no taa bɛl nyundua o ŋɔ, “Chwerɛ waa nɔ. Le fini dɛɛ kaa, nɛra baa yarada ya Dɔɔ la dɛ kpɔ ba te tɛo la, dɛ ba sewaa, ba na som.” Korowii Domadɛɛɡe la bolɔ ŋɔ, “Kpelaa, ba onɔ. Ba lee ba ba koeh ta. Ba sɔndɛɛɡe ɛɛ teŋɛ ba nɛɛ kaa.”

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

Amanesoma Luk Aa Chwera Tɔn 2:29

“N Naa Korowii, he teŋɛ he nyobaɡa ta, name te hɛɛ wonoo ɡel men maa ɛ he bonɔɔ sewɛ sɔnɔnɔɔ,

Job Tɔn 3:17

Lalbɔɔ binii nyubinikpeɡ tena we-ɛɛla ɛɛ tonɛ, nɛra baa ɛ toma koh la ɡe kaa onɛ.

2 Kɔrent 5:8

Ya bwara aa yaa hwah tamaa bɛlbwa. Dɛ ya ɡel ya bwadabii nɔ waa do kɛ dea nɔ dɛ ka do ya Dɔɔ be naa, ɡɛɛ yaa nyin.

Amanesoma Luk Aa Chwera Tɔn 7:50

Asɛ Yeesu ŋɔ haah la be ŋɔ, “He yarada haa yarada mɛ nɔ lɛɛ. Ir dɛɛ la. Kórowii tɛɛ bosɔɔhna.”

Matiu 25:21

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ dɛ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

2 Webena 16:14

asɛ ba huɡo Kooro Devid Bwɛjen Jerusalam, bwe bɛl waa komɔ kɛŋɔ dea o ɛ o ɡbaɡba huɡribɔr bini. Ba kpɔ konsɔɔhsoma ne nosɔɔhsoma fɔɡlo dɛ huɡo. Nɛra warɔ cheme dɛ mar nijena a fuh, a baɡle jirima baa kpɔa dɛɛ tɛo o seo la wa.

Amanesoma Luk Aa Chwera Tɔn 16:22

Nyaa la baa sewɛ, asɛ nyundua toroma ba kpɔɔ kaa nyundua o ka so Abraham be. Suuɡate la ɡe baa sewɛ, asɛ ba huɡo,

Ɛsekeɛl 32:25

Elam harɛ ta nɛra ja nɛra baa kpoo ba laa ta la nɛ, o laa tena ŋwama baro cheme. Ba bwa ɛ nɛra baa wola men Korowii tomɛ, ba kpoo ba laa ta. Ba fa aa soɡe le la, ba kpɔ ɔmee ta nɛra nɛ. Ba serewɔ, ba ne banɔ la baa kpoo ba laa ta la di sihiih.

Felepae 1:23

N chinchaŋo. N dɛ nyin kɛ n sewɛ dɛ́ ka so Yeesu Kristo be. A bɔ kohona kɛ maa soɡe bonɔ.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Aesaya 26:7

N Naa Korowii, he ɡelɔ nɛra ba wa aa toɡra ŋwɛnɛ ɛɛ do wer, he kwaaro baa valɛ o ta.

Aesaya 14:18

Koranar baa serewa la bɛlbwa chɔ o ɡbaɡba lalbɔɔ bini, ba ɛ ba ŋwama la a do wer.

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

Daneɛl 12:13

Kɛ hen Daneɛl, he te kaa, di kasinteŋ ka tel waa bwa jaɡa saŋ. Hɛɛ sewɔɔ kɛ hɛɛ iruu, dɛ́ dɔ he kembɔr waa bwa jaɡa saŋ.”

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’