Aesaya 57:14 - mzwDBL

¹⁴ Korowii ŋɔ, “Kwaa ŋwɛnɛ, kwaa ŋwɛnɛ tɛ n nɛra bá ba! Laa komɛlbwa waa tɔ bɔr la kpɔ ta.

Aesaya 57:14 Referans Kwoze

Aesaya 62:10

Jerusalam tena, hé le kaa, dɛ́ ka kwaa ŋwɛnɛ tɛ he nɛra baa bera dɛɛ ba la! Hé laa bwea aa lɔ ŋwɛnɛ la ta la pa, ó do wer! Hé kpɔ fraŋkaa pa ásɛ harɛ nɔ ta nɛra jemɛ.

Aesaya 40:3

Nomɛl dɛ bol waa takpeɡ ne pua hɛŋle ɡbo harɛ ta ŋɔ, “Nɛ́ra ɡel ba we-ɛɛla toɡre, dɛ́ kpɔ ba te dɛɛ kpa ba Dɔɔ bala.

Aesaya 35:8

Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.

Jeremia 18:15

Kɛ n nɛra te soh n wa. Ba fuh daawiile dɛɛ tɛ voɡa a wa aa wola tɔnɔ dɔe. Ba lɔ na, dɛ ɡel ŋwɛnɛbena la ta kpɔe, dɛ kaa kpɔ ŋwɛnɛfala baa wola a ta jemɛ ta.

1 Kɔrent 8:13

Dɛ n nao kɛ kondikwaa maa dɛ di la ɛɛ ɡeloo n dɔŋ ɡe di a kaa o ne wechɔɡa ta naa, amɔ te mɛɛ ɡel a dii, ásɛ n dɔŋ ɡe bɛ di dɛ́ ba kaa wechɔɡa ta.

Tɔn Pɔɔl Aa Chwerɛ Rom Tena 14:13

Aa do ɡɛ nɔ, yá ɡel dɔŋa pwaeh. Waa aa chɛ kɛ yaa ɛ laanee kɛŋɔ ya ɛ ya liire kɛŋɔ waa aa ɡel ya dɔŋa lɔ naa dɛ chole kɛɛ ba ɛ wechɔɡa la, yaa ɡel a ɛɛ.

Hibru 12:13

Hé ɡel he we-ɛɛla toɡre ásɛ he bala baa ɡwɛɡra Korowii nɛɛ teŋa ta dɛ do kɛ nɛn waa dɛ duɡri la bɛ he ŋwɛnɛre aa wola toɡrɛ la ta kpɔ dɛ ba lɔ na. A chɛ kɛ he toɡre he ŋwɛnɛre ásɛ ba kpɔ a ta dɛ́ dɔ bokpeɡa.

2 Kɔrent 6:3

Yaa nyin kɛ nomɛlbwa dɔ ya toma wechɔɡe bɛlbwa dɛ bol, anomanta, waa aa ɡel nɛra lɔ naa la, yaa an kpɔe dɛɛ ɛɛ ba.

1 Kɔrent 1:23

Ya te, Yeesu Kristo sewa daɡaɡre ta la waa yaa bol. A ɛ waa Juu tena aa dɛ lɔ naa a ta dɛɛ vɛah, asɛ nɛra baa wola Juu tena ɛɛ ɡe la, a ɛ wesale ba be.

1 Kɔrent 8:9

Kɛ ane abwa, hɛ́ɛ nyiŋi kɛrɛdɛ, kɛ dɛ he ta an kie, he dɛ dia aa, he bɛ ɡel he we-ɛɛla neɡre nɛra ba yarada aa wola kanɛ Yeesu waa ta ba kia la.

Yela 68:4

Hé ɡo yela kpɛɛ Korowii sɔn, hé kwaa ŋwɛnɛ tɛo, o le baama bini dɛɛ ba. O sɔne Korowii, hɛɛ hɛɡre o sie.

Aesaya 49:11

Mɛ́ɛ kpɔ ŋwɛnɛɛ bil bwejena dor, dɛ́ kwaa ŋwɛnɛ tɛ n nɛra bá kpɔ o ta.