Aesaya 56:2 - mzwDBL

² Naate waa dɛ ɛ waa nɔ dɛ lawa kpoŋe kɛrɛdɛ, dɛɛ di Ona Tɔpere waa wola on chɔɡ, dɛ lawɛ o te waa wola wechɔɡa ɛ la, o na som.”

Aesaya 56:2 Referans Kwoze

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Ɛsekeɛl 20:12

N ŋɔ baa di Ona Tɔpera la a ɛ fɔo dɛ́ chɔ n ne ba baah, dɛ́ lii kɛŋɔ men Korowiirii ɛɛ ba ba do ɡoroŋ.

Yela 112:1

Hé kpɛɛ Korowii! Nomɛlbwa waa dɛ tomɛ Korowii, o sie ɛɛ lɛ o Mmarare ta kohona la, o na som.

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

Ɛsekeɛl 20:20

Hɛ́ɛ di n Ona Tɔpera la, dɛ́ ɡel a do ɡoroŋ, ásɛ a ɛ waa dɛ chɔ n ne he baah ta. Anee dɛ́ ɡel he jemɛ kɛŋɔ menee Korowii haa dɛ tom mɛ la.’

Kaala 20:10

kɛ Ona Tɔpere la te ɛ men Korowii haa dɛ tom mɛ la tɔpere. O telaa, he bɛ toma bɛlbwa ɛ o ta. He ne he bibaala kɛɛ bihaahna kɛɛ bonɔɔna, kɛɛ toli bɛlbwa bɛ toma ɛ. Hale he kondɛɛra te bɛlbwa, ne hɔɔhra kwaraa baa lɔ he dem.

Amanesoma Jɔn Aa Chwera Tɔn 13:17

Dɛ he jemɛ ɡɛ waa nɔ dɛɛ ɛa ɡe te naa, hɛɛ na somee.

Yela 106:3

Nɛra baa dɛ teŋɛ o Mmarare ta, ba waa toɡre saŋ bɛlbwa la, ba na som.

Sɛɡla 16:17

Nɛn o wa aa toɡra la dɛ ke wechɔɡa o vala bini, nomɛlbwa waa dɛ nyiŋi o vala bini la, dɛ dɔ o nyu.

Sɛɡla 16:6

Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

Sɛɡla 14:16

Wejereme dɛ nyiŋi kɛrɛdɛ o soɡa bini kɛ o bɛ waa dɔ. Gɛnee dɛɛ ɛ waa saɡasaɡa, o baah ɛɛ di warawara.

Sɛɡla 4:27

Laa he te kpɔ wechɔɡa ta, dɛ́ ɡel he ŋwɛnɛ toɡre. Bɛ ŋwɛnɛdɛɛɡe la ta le.

Sɛɡla 4:13

Lawɛ waa haa hwela la bini saŋ bɛlbwa, dɛ bɛ ɡel a le he nɔn ta, nyiŋi a ta kɛrɛdɛ, anee he mkpa.

Yela 119:101

Maa dɛ nyin mɛɛ teŋɛ he waa ta nomanta, n laa n te kpɔ wechɔɡa ɛɛ ta.

Lewi Dea Tena 19:30

Hɛ́ɛ di n Ona Tɔpera la, ásɛ dɛ ɡel duure do bela haa dɛ tom mɛ la. Men Korowiirii bola.

Kaala 20:8

Hé di Ona Tɔpere la, dɛ́ ɛo tɔpedɛɛɡe o do ɡoroŋ.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

Amanesoma Luk Aa Chwera Tɔn 12:43

Dɛ bonɔɔ la dɔɔ la baa puu, dɛ o dɛ ɛ ɡɛ waa kpɔa do o nɔn ta la aa, bonɔɔ la sie ɛɛ lɛo.

Aesaya 56:6

Korowii ŋɔ nɛŋhɔɔhra baa kpɔ ba te ba pɛlo, asɛ dɛɛ tomɔ, dɛɛ nyinu dɛɛ yerɛ o sɔn, dɛɛ di Ona Tɔpere baa wola on chɔɡ, dɛ lawɛ o fɔo la bini kiŋkiŋ la be ŋɔ,

Yela 128:1

Nɛra baa dɛ ɔmɛ Korowii, dɛɛ teŋɛ o Mmarare ta la, ba na som.

Yela 37:27

Hé ɡel wechɔɡa ɛɛ dɛ́ɛ ɛ wedɛɛɡa, ásɛ he so harɛ la ta saŋ bɛlbwa dɛ́ɛ la.

Yela 34:14

Wɛ́ɛ ke o te wechɔɡa ta, dɛ́ɛ ɛ wedɛɛɡa. Ó swɛɛ siwi dɛ́ɛ ɛ waa aa dɛ ba nyopɛo ne.

Nehemia 13:17

N baah di Juu tena nomonome nɛ, dɛ ŋɔ ba be ŋɔ, “Waa aa ɛ wechɔɡaa he ɛ dɛ kpɔ dɛɛ chɔɡ Ona Tɔpere la.

Tɔn Pɔɔl Aa Chwerɛ Rom Tena 12:9

Hɛ́ɛ nyin dɔŋa bambile bwa ne. Hé hah wechɔɡa te bɛlbwa, dɛ́ lawɛ wedɛɛɡa te bɛlbwa bini kpoŋe kiŋkiŋ.

Aesaya 56:4

Waa Korowii aa dɛ bol ɡɛ nɛra la be laanee kɛŋɔ, “Dɛ nɛra baa fɔɡɛ ba lure dɛ di n Ona Tɔpere la, dɛɛ ɛ waa aa dɛ su n siwi, dɛɛ di kasinteŋ n fɔo la ta naa,

Wejereme 7:18

Lawɛ a bwa bini kpoŋe, dɛ bɛ ɡel bɛlbwa le he nɔn ta. Naate waa dɛ ɔmɛ Korowii ɛɛ won le ɡɛ waa nɔ bwa nyoa.