Aesaya 55:5 - mzwDBL

⁵ Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

Aesaya 55:5 Referans Kwoze

Aesaya 60:9

A ɛ stiimaere aa le bojaŋa dɛ kpɔ n nɛra dɛɛ ba dem. Ba cheɡɛ suuɡapoŋa ne suuɡaswɛm dɛɛ ba, dɛ kpɔ jirima dɛɛ ba ba tɛ men Korowii Israel tena aa dɛ tomɔ, Israel Nɛŋɡoroŋ waa ɡela harɛre nɛra kpɔ duure dɛɛ tɛ o nɛra la.”

Aesaya 60:5

Hɛɛ na ɡɛɛ he hɛɡra ir, he tea ɡe too. Ba dɛ ba harɛre kondɔɔh ne dɛ́ ba tɛɛ. Mpo baŋ le kwaa bwa ɛɛ bao.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Tɔn Pɔɔl Aa Chwerɛ Rom Tena 15:20

N ɛ n liire wubwa kɛŋɔ mɛɛ bol Yeesu Kristo Amanesoma nɔɔ. Kɛ harɛre baa bol o waa a ta la, a ta laa mɛɛ bola. A waa laa aa, dɛ nomɛl toma waa pa a mun cheɡ la taa n kpɔ dɛɛ choŋi la.

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

We-ɛɛla 3:13

Gɛ laa. Korowii ya nabaala Abraham ne Aesek dɛ Jekɔb aa tomɔ la, on tɛ o bonɔɔ Yeesu sɔn ɡɛ la. Onee he kpɔ tɛ nomonome ŋɔ bá bol o waa dɛ kpoo la. Harɛ nomoa Paelet aa ŋɔa ó tao la, he ta ŋɔe ŋɔ haa sɛah?

Aesaya 56:8

Nemenɛ Korowii waa tɔ Israel tena sie dɛ le ba ne bojaŋ harɛfale ta la ŋɔ, “N ta ɛɛ ba bane ɡe nee, ba ba ja ba nɛ.”

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.

Aesaya 45:23

N ŋwɛɛ n ɡbaɡba, maa nentanee ta dɛ́ berɛ kpɛla. N nyoa wobol bɛlbwa toɡrɔ. Nomɛlbwa ɛɛ ɡuŋ mɛ harɛɛ, ásɛ dɛ che n sɔn ta ŋwɛɛ kɛŋɔ ba Dɔɔree men.

Yela 18:43

He lɛɛ mɛ le nɛra baa cheɡɛ n nɛɛ bini, dɛ ɡel mɛɛ di kora harɛre nɛra nɛ, nɛra maa wola ban jemɛ laanee dɛɛ tom mɛ.

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Amanesoma Jɔn Aa Chwera Tɔn 17:1

Yeesu aa bol waa nɔ tonɛ la, o ha sie dɛ nyiŋi nyundua asɛ dɛ jam Korowii ŋɔ, “N Mɛɛ, tɔpere la telo. Tɛ men maa ɛ he Bie jirima ásɛ n ɡe won kpɔ jirima tɛɛ.

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Aesaya 52:15

Kɛ taraken, harɛre nɛra nyoa ɛɛ kpo o waa, koranar hel, ba bwara yɔr. Baa na waa baa wola ba be bolɛ bwaa, ásɛ anɔ la baa wola noɛ bwa la, bá no a mun.”

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

1 Pita 1:11

Dɛ Kristo Doma soɡe ba nɛɛ dɛɛ baɡle wahala Kristo aa dɛ ba nae, dɛ baɡle jirima aa dɛ ba bala wahala la habɔɔ. Ba takapɔ kɛŋɔ bá fee won jemɛ tɔpere aa dɛ ba chiɡa, ne ɡɛ aa dɛ ba ɛɛ.

Hibru 5:5

Gɛɛ a do Yeesu Kristo ɡe aa wola o te ɡbaɡba leɛ Sɔfonomoa toma aa ɛ wejena nɔ ta. Korowiirii ŋɔ o be ŋɔ, “N Biee hen, fini n berɛ he Mɛɛ.”

Ɛfesos 3:5

Korowii fa ta o wesɔɔhla bini pile baɡle saŋ la tena. Kɛ taraken o Domadɛɛɡe baɡle o nɛra baa ɛ o toromedɛɛɡa ne o keamedɛɛɡa la be,

Amanesoma Luk Aa Chwera Tɔn 24:26

A ta chɛɛ kɛŋɔ Kristo la Korowii aa ŋɔa ŋɔ wɛɛ tomɔɔ ó ba lɛ yaa la na ɡɛ wahala nɔ bwa mɔɔ ásɛ dɛ dɔ Korowii Kora la di kɛɛ?”

Ɛfesos 2:11

Anomanta, hɛ́ɛ lii ɡɛ he fa aa doa la. He ta Juu tena ɛɛ, asɛ Juu tena baa dɛ maŋkura penteŋ la koh kɛ haa he pena teŋe dɛɛ nyiŋi he nyubaah. A ɛ nɛwɛnyini bwadabii we-ɛɛla.

2 Samoɛl 22:44

He lɛɛ mɛ le n nɛra baa ɛ deŋnekpeɡ tena nɔn ta, dɛ lee mɛ cheɡ kɛŋɔ harɛre bwa nyu te. Nɛra maa wola ban jemɛ baa do n lɔɡa.

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Aesaya 49:12

Baa le bojaŋaa ba, bane ɛɛ le weekaŋle nyunduabɔree, bane ɡe le wee cholibɔr dɛ́ ba, ásɛ bane ɡe le Aswan dɛ́ ba.”

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.

Ɛsekeɛl 39:7

Mɛɛ ɡeloo n nɛra Israel tena jemɛ kɛ n sɔn do ɡoroŋ, dɛ bɛ doŋa kpɔ kah n sɔn kpa. Ásɛ harɛre ta nɛra jemɛ kɛŋɔ menee Israel Nɛŋɡoroŋ la.