Aesaya 52:2 - mzwDBL

² Jerusalam haa do kɛ bitolo, ir dɛ́ pee he bwara ta, dɛ́ so he kookara ta. Ásɛ dɛ laa jɔɡrɔre baa lawɛ dɛ doe laa ta la foo.

Aesaya 52:2 Referans Kwoze

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Jeremia 51:50

Korowii berɔ bol waa o nɛra baa lɔ Babelɔn harɛ ta be ŋɔ, “He nɛra haa chwaa dɛ dɔ he nyu la, hé le warane, he bɛ hɛlɛ. Hé lɔ bojaŋ harɛ ta te, kɛ he lii n wa, dɛɛ lii Jerusalam ɡe wa.”

Jeremia 51:45

N nɛra Israel tena, hé chwa le ba. Hé chwa dɛ́ dɔ he nyu. Hé chwa le men Korowii bandia waa do ɔma la ta.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Aesaya 51:14

Banɔ la baa do ba dea la, aa biɡri bá lee ba. Baa dea baa kwiu bɔɔ biro tenten do bela la binii serewe, á ba ɛ kɛŋɔ kondikwaa waa ɛɛ noo baa.

Wepila 18:4

N berɔ no taa bɛl o le nyundua dɛ ŋɔ, “N nɛra, hé le o be. Maa nyin kɛ he ne o pɛ dɛ́ɛ ɛ wechɔɡa, dɛ́ pɛ na wahala maa dɛ ba ɡela o na la.

Sekaria 2:6

Korowii berɔ ŋɔ o nɛra be ŋɔ, “Hé ba warane. Hé chwa le weekaŋle nyunduabɔr harɛ la ta ba, dɛkalkɛ menee lɔ heyaa peɡre harɛ nɔ ta bobɛlbwa. Men Korowiirii bola.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Aesaya 29:4

Wɛɛ lɔ heyaa bil harɛ, he chɔ dɛɛ bol wa, he taa ɛɛ le tama tama ken. He wobol ɛɛ doo kɛŋɔ lale wobol dɛɛ le harɛ bini, aa baŋee le kohona.

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Aesaya 51:23

Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Aesaya 49:21

Ásɛ he ba lii he nyu bini ŋɔ, ‘Ume tenee lolɛ ɡɛ bii nɔ tɛ mɛ nɔ? Dɛ n paŋɛ bii maa wola lii kɛ mɛɛ dɔ banee kpa. Ba doŋ mɛ n kaa harɛfale ta, aah umee dɛɛ bechale nɔɔ? Dɛ n ɡboo kaa, leperaa ba le ba te nɔ?’ ”

Jeremia 51:6

Hé chwa le Babelɔn harɛ! Hé chwa lɛ he nyuune! He bɛ Babelɔn tena wechɔɡa waa koh serewe. Saŋ telo kɛ men Korowii bɔ ba kem, mɛɛ tɛr ba deŋnee ɡɛ aa chɛa.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Aesaya 10:27

Mɛɛ laa wahala baa dɛ ɛ heyaa a berɛ heyaa bone laanee kpɔ he nɛ, ásɛ wobɛlbwa le he baŋa a ɡɛ saŋ.

Aesaya 14:25

Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Aesaya 60:1

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

Ɛsekeɛl 34:27

Harɛ la ta daa bɛlbwa ɛɛ nɔnɔɔ kɛrɛdɛ, ásɛ koo kondikwaa ɛ kohona, nomɛlbwa so deŋnesɔɔhna ta o harɛ ta. N baa lawɛ n nɛra le nɛra baa dɛ fiɡ ba kɛ yoma nɔn ta naa, anee baa ba jema kɛŋɔ menee Korowii.

Sekaria 2:7

Saayɔn tena, hé chwa le ba Jerusalam, he banɔ la baa lawɛ heyaa laa ta kaa bojaŋ Babelɔn harɛ ta la.