Aesaya 51:12 - mzwDBL

¹² Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 51:12 Referans Kwoze

Yela 118:6

Korowii ja n nɛ, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?

1 Pita 1:24

Korowii Tɔn bolɔ ŋɔ, “Nɛwɛnyini bwa do kɛ kpɔɡa fee, ba jirima ɡe do kɛ kpɔɡa fee. Kpɔɡa dɛ sewɛ, a fee ɡe ɛɛ lee.

Aesaya 2:22

He bɛ hwɛɡa kpɔ do nɛwɛnyini nɛɛ kpa. Waa sewaa? Bɔkwaa nɛwɛnyini ɡeɔ?

Amanesoma Jɔn Aa Chwera Tɔn 14:18

N baa kaa laa, maa heyaa ta kɛ bilalbii, mɛɛ berɔɔ ba he be.

Aesaya 66:13

Mɛɛ larawe Jerusalam tena bwaraa, ɡɛ haah yon dɛɛ ɛ o bie la.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Sɛɡla 29:26

Korowiirii dɛɛ pa bole aŋwɛnɛ ta, ɡwaa kɛŋɔ nɛra ɡalɡa aa dɛ nyin kɛ koranar nyin ba waa la.

Yela 146:4

Ba sewɔ aa, ba dɛ huɡ ba. Le awola tɔpere la, ba liire ne vɔrɔwa baa vɔrɔwa bwa dɛ ba a jaɡa.

Yela 92:7

Nyubinikpeɡ tena ɛɛ won dɛɛ kpeɡ kɛŋɔ kpɔɡa, ásɛ wechɔɡ-ɛɛra ɡe wobɛlbwa do wer dɛɛ tɛɛ ba, kɛ ba bwa ɛɛ ba chɔɡoo kwaraa.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

1 Samoɛl 15:24

Anee Kooro Sɔɔl ŋɔ Samoɛl be ŋɔ, “N ɛ wechɔɡa, n vɛh Korowii waa waa do mɛ a ta, ne waa haa ŋɔa n ɛ la. Ɔmaa n ɔmɛ nɛra la waa n teŋɛ waa baa dɛ nyin ta.

2 Koranar 1:15

Belaa Korowii nyundua torome bɛl ŋɔ Elaeja be ŋɔ, “Tu he ne o kaa, dɛɛ berɛ ɔma.” Asɛ Elaeja tu ba o ne nomoa la la kooro la be.

Aesaya 40:1

Korowii haa dɛ tomɔ la ŋɔ, “Hé larawe n nɛra bwara.

Aesaya 49:13

Kwaa aa lɔ nyundua, hé do lɔŋɔre silɛɛ ne, kwaa aa lɔ harɛ ta ɡe, hé hɛɡre! Bwejena ɡe ɡo silɛɛ yela. Korowii ɛɛ larawe o nɛra bwaraa, wɛɛ dɔ tedomaa tɛ wahala tena ɡe.

Aesaya 57:11

Korowii ŋɔ, “Bɔkwa tenee voɡa hɛɛ ɔma kohona dɛ le n habɔɔ, dɛ soh n waa kwaraa ɡɛ nɔɔ? Maa mwaa he bwa ne saŋ la bwa, waa ɡela haa wola men ɔmɛ nɔ kɛɛ?

Jeremia 38:19

Asɛ Kooro Sedekia ŋɔ men Jeremia be ŋɔ, “N dɛ ɔmɛ Juu tena baa kpɔ ba te ka ja Babelɔn tena bini la, dɛkalkɛ Babelɔn tena la ken ɛɛ lee mɛɛ tɛɛ ba, ásɛ ba fiɡ mɛ.”

Jeremia 41:18

ɡɛ aa ɛ ásɛ ba won le Babelɔn tena nɔn ta. Dɛ ba dɛ ɔm ba, dɛkalkɛ Ismael kpo Gedalia la Babelɔn kooro aa leo wɛɛ nyiŋi harɛ la ta.

Ɛsekeɛl 2:6

Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.

1 Samoɛl 17:11

Baa no waa Filisti te la aa bola la, Kooro Sɔɔl ne Israel tena la bambile teŋo kɛrɛdɛ.

1 Samoɛl 21:13

Anomanta, o saahnɔ dɛɛ ɛ kɛŋɔ waa dɛ we choɡla ken ba sie, o taa lɔ ba nɔn ta la, dɛ o we-ɛɛla bwa ɛ choɡla wa, dɛ kpɔ kon dɛɛ peeɡe ba doonyojen ɡbeni ta, asɛ dɛ ɡel nentane ɛɛ yɔɔ o tampona.

Aesaya 8:12

“Bɛ vɔrɔwa bwa nɛra aa bol a waa he be la ta no, dɛ bɛ waa baa dɛ ɔma la dɛɛ ɔmɛ.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

Aesaya 61:2

O tom mɛ ń ɡel nɛra bwa jemɛ kɛ tɔpere Korowii aa dɛ ba o nɛra lɛɛ dɛ́ tɛr ba dɔma deŋne telo, dɛ́ larawe nɛra bwa baa dɛ wi bwara.