Aesaya 50:8 - mzwDBL

⁸ Korowii bɛn mɛ. Wɛɛ pa mɛ bolee. Umee dɛ́ won kpɔ waa dawɛ n nɛɔ? Naate ɡel ya cheme. Ume tenee n ne o dɔɔ? Naate ba n ne o cheme, dɛ́ bol.

Aesaya 50:8 Referans Kwoze

Wepila 12:10

N berɔ no takpeɡ bɛl Korowii doa o ŋɔ, “Taraken N Naa Korowii lɛɛ waa dɛ ba dɛ́ ba lɛ nɛra la telo. O kpeɡri ne o kora dii saŋ telo. Taraken o Kristo waa tomɔ ó ba lɛ yaa la lɛ kpeɡri dɛɛ di, dɛkalkɛŋɔ naate waa chɔɡ yabala dɛɛ tɛ Korowii saŋ bɛlbwa la, Korowii kpɔɔ ta.

Aesaya 41:1

Korowii ŋɔ, “Harɛre nɛra, hé hel dɛ́ no n be! Harɛre nɛra, hé nyin bokpeɡfala, dɛ́ ba bol he wa! Ya bwa cheme kɔɔto ásɛ bɛlbwa bol o wa.

Aesaya 43:26

Hé lii mɛ waa a fa aa chiɡa, ásɛ ya cheme dɛ́ bola, ásɛ he baɡle anɔ la haa di bole a ta.

Aesaya 41:21

Korowii, Israel tena kooro la ŋɔ, “Hé kpɔ he waa ba, dɛ́ ba baɡle ɡɛ aa ɛa he kon do som.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Matiu 5:25

Dɛ he ne he dɔŋ dɔɔ, asɛ o kpɔe dɛɛ kaa kɔɔto aa, larawo hé kwaa he baah. Gɛ laa aa, o dɔɔ tel he ne bela aa, kɔɔto nomoa la ɛɛ kpɔe tɛ prosiri bá ka doe dea.

Mmarare 19:17

ate hé kpɔ nɛra banɛ waa la aa lɔ ba baah ta la la Korowii sie, sɔfore ne nɛra baa bol waa dɛɛ pa bole dɛ do le ɡɛ saŋ la be,

Kaala 22:9

Dɛ nomɛl nao kɛɛ keeɡo kɛɛ pee kɛɛ yal kɛɛ komɛlbwa nyoɡrɔ o ka nao o dɔŋ bɛl be dɛ ŋɔ o konee yaa, a chɛ kɛŋɔ nɛra banɛ la bwa kpɔ la nɛra baa bol waa dɛɛ pa bole la sie. Ba bini bɛlbwa baa na kɛŋɔ o di bolchɔɡe la chɛ kɛŋɔ ó bɔ ɡɛ kwaa aa nyoɡra la bele anɛ tɛ o dɔŋ la.

Job Tɔn 13:19

Nomɛl lole n ne o won cheme n waa nɔ ta naa? Nɛn lole ɡɛ naa, n fe ɛɛ heloo dɛ́ sewɛ.

Yela 119:151

Kɛ hen Korowii, he ja n nɛ, he Mmarare bwa ɡe ɛ kasinteŋ.

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”