Aesaya 49:13 - mzwDBL

¹³ Kwaa aa lɔ nyundua, hé do lɔŋɔre silɛɛ ne, kwaa aa lɔ harɛ ta ɡe, hé hɛɡre! Bwejena ɡe ɡo silɛɛ yela. Korowii ɛɛ larawe o nɛra bwaraa, wɛɛ dɔ tedomaa tɛ wahala tena ɡe.

Aesaya 49:13 Referans Kwoze

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

Aesaya 55:12

Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

2 Kɔrent 7:6

Kɛ Korowii aa dɛ larawe tebinichɔɡ te bwara la nomanta, Taetos bala la ɡelɔ ya dɔ bɔlarawa.

Amanesoma Luk Aa Chwera Tɔn 15:10

Kasinteŋ, ɡɛɛ aa ba Korowii doa ɡe doe. Wechɔɡ-ɛɛ beŋkpoŋ charɛ o liire dɛ le o wechɔɡa ta naa, Korowii ne o nyundua toroma sie ɛɛ lɛ o nɛɛ taeh.”

Jeremia 31:13

Belaa toli ɛɛ ba sae ba sie lɛ, ásɛ bonɔɔna ne banjeni bwa ɛɛ hɛɡre. Mɛɛ larawe ba bwaraa, dɛ́ ɡel ba wii ber ba silɛɛ, ásɛ ba dɔ hɛɡra kohona le ba suna dii ta.

1 Webena 16:31

Kwaa aa lɔ nyundua ne harɛ bwa, hé ɡel he sie lɛ kɛŋɔ nɛra aa dɛ lɛ ba sie. Hé ɡel harɛre nɛra bwa no kɛŋɔ, “Korowii dɛ di kora.”

Yela 69:34

Korowii kontaala aa lɔ nyundua ne harɛ kwaa bwa kpɛɛ Korowii, mpo ne kwaa aa lɔ o bini bwa ɡe kpɛɛro.

Yela 71:21

Hɛɛ ɡeloo ń ɛ nɛnjen kohona, dɛ́ berɛ kwaa larawe n bwara ja.

Yela 148:9

bwejena ne deŋɡarere, ne daa aa dɛ nɔnɛ, dɛ peleme daa bwa,

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 49:14

Kɛ Jerusalam tena te ŋɔ, “Korowii ɡel yaa, o soh ya wa.”

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 54:7

“Tamaa kenii n ɡele, kɛ n tea ɛɛ domɛ he nɛɛ kohona, dɛ́ berɛ ba he ne.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Jeremia 51:48

Belaa koŋkwaa aa lɔ nyundua ne harɛ ɛɛ ba silɛɛ lɔŋɔre doe Babelɔn wa, dɛkalkɛ nɛra dɛ ba weekaŋle nyunduabɔr lee dɛ́ ba yoo dɛ́ chɔɡo.

Ɛsekeɛl 35:14

Nemenɛ Korowii ŋɔ, “Mɛɛ chɔɡ he ne he harɛ Edomee ó chɔ pɛɛ, ásɛ harɛ nɔ ta nɛra bwa sie lɛ.

Yela 65:13

Peera lɔ kpɔɡ bini bobɛlbwa, dɛɛ di, fɛlembɔjena bwa su mea, aa ɡo yela dɛɛ moo silɛɛ ne kɛ nɛra ken.

Yela 89:13

He kpeɡri kan, he dɔ bokpeɡa ɡe kohona!