Aesaya 48:4 - mzwDBL

⁴ Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

Aesaya 48:4 Referans Kwoze

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Kaala 32:9

Korowii ŋɔ Mosis be ŋɔ, “N na ɡɛ baa ɛa bwa. Ba ɛ deŋnekpeɡ nɛra.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Jeremia 19:15

“Koranar Bwa Kooro, Israel tena aa dɛ tomɔ la ŋɔ, ‘Hé no! N dɛ ba wenaale bwa maa ŋɔa ŋɔ mɛɛ kpɔɔ ba ta bwɛjen nɔ ne bwɛjeɡre bwa aa baro bwa nɛra nɛɛ la ne, dɛkalkɛ ba ɛ lwɛmkpeɡ tena dɛ vɛh n waa la noe.’ ”

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Mmarare 31:27

Mosis ŋɔ sɔfore la be ŋɔ, “N jemɛ he lwɛmkpeɡ ne he habɔɔ bera dɛ́ kpo Korowii wa. Hale n ne haa lole n ta sewɛ mɔɔ nɔ, he fa berɛ habɔɔ kpo Korowii. Hɛ́ɛ ɛo ɡwaa ɡɛ n seo habɔɔ.

Kaala 33:5

Dɛ Korowii fa ŋɔ Mosis bol Israel tena la be ŋɔ, “He ɛ deŋnekpeɡ nɛra. Dɛ n ŋɔ n ne he kaa laa, dahara bonɔ tentenee n fe kpoo heya. Amɔ bɛlbwa laa o suuɡaswɛm kwaa la kpɔ, ásɛ mɔɔ n na ɡɛ maa ɛ heya.”

Yela 78:8

Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

Yela 75:5

He bɛ waa bol yaɡɛ men Korowii.’ ”

Kaala 33:3

Harɛpare ondɛɛɡe taa hɛɛ kaa la. He deŋne aa kpeɡa nomanta, n ne he laa dɛɛ ba kaala ásɛ n ken ka kpoo heya ŋwɛnɛ ta.”

Aesaya 46:12

Hé no n be, deŋnekpeɡ tena, he ne waa aa toɡra baah jaŋne.

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

Hibru 3:13

Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

Daneɛl 5:20

Kɛ waa baa ɛ deŋnekpeɡ o nyu bini do kpeɡri wɛɛ ɛ mbarafo la, Korowii iru kora ta, jirima waa dɔa la paŋɔ.

Jeremia 7:26

Kɛ he ta deŋne cheɡɛ dɛ no n be. Hale he bambile berɔ do kpeɡri dɛ ɛ deŋnekpeɡ tena kohona ɡwaa he naawa.

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

2 Webena 30:8

He bɛ lwɛmkpeɡ ɛ kɛ ban, dɛ́ kpɔ he te do Korowii haa dɛ tomɔ la lɔɡa. Hé ba o Dea waa ɡela o do ɡoroŋ saŋ bɛlbwa la bini Jerusalam, dɛɛ tomɔ ásɛ o bandia le he nɛ.

2 Koranar 17:14

Kɛ Israel tena ta noɛ, dɛ ɛ deŋnekpeɡ kɛŋɔ ɡɛ ba naawa aa wola Korowii baa dɛ tomɔ yaradae la.

Mmarare 10:16

Anomanta, hé ɡel he tea to ásɛ dɛ bɛ deŋnekpeɡ ɛ kpa.

Nehemia 9:28

Deŋnesɔɔhna aa bala la, ba berɔ ɛ wechɔɡa ja, asɛ he ɡel ba dɔma ba yoo ba dɛ pɔ ba nɛɛ ja. Kɛ baa charɛ ba liire dɛ wi noe ŋɔ hé lɛɛ ba la, he dɔ tedoma dɛ no le nyundua, dɛ teŋɛ no ba be, dɛ lɛɛ ba.

Ɛsekeɛl 2:4

Nɛra men Nemenɛ Korowii aa dɛ tomɛ ba be la lwɛɛma kpeɡri, baa men bu. N dɛ tomɛ he ka ŋɔ ba be ŋɔ kenii mɛɛ bol.

Kaala 9:7

Belaa kooro tomɛ nɛra a wa, asɛ ba la dɛ ba ŋɔ o be ŋɔ Israel tena te kondɛɛre beŋkpoŋ ɡba ta sewɛ. Kɛ ane a bwa, o ta o deŋnekpeɡ la ɡelɛ. O ta nɛra la ŋwɛnɛ tɛɛ ba kaa.

Aesaya 30:9

Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.