Aesaya 47:2 - mzwDBL

² Ka namɛ men nam ta, laa kon haa kpɔa bɔle sie la kpɔ, dɛ́ laa yal ɡbaa he hwie ta, dɛ́ jo neerare le a baŋ.

Aesaya 47:2 Referans Kwoze

Matiu 24:41

Haahna banɛ ɛɛ pɛo dɛɛ namɛ kwaa nambwe ta, bá ba kpɔ beŋkpoŋ kaa, dɛ́ ɡel bɛl bela.

Aesaya 20:4

Gɛ tentenee Asiiria koojen ɛɛ ba Ijipt ne Itiopia tena waa kaa yoo ba, dɛ laɡ ba la ɛɛ ba bá valɛ dakpaŋ ne nakpapɛɛ ne. Nomonome ne bechale bwa ɛɛ valɛ mumɡbal sihiih nee.

Sitɔɔla 16:21

Filisti tena la lawɔ, dɛ foromi o sibie dɛ kaa o ne Gasa. Ba doo ayaawa jɔɡrɔre dɛ doo dea, dɛ ɡel wɛɛ namɛ kwa.

Kaala 11:5

ásɛ dɛ kpoo Ijipt tena bibanloɡla bwa. Dɛ́ le kooro waa soɡe kara ta bibanloɡle nɛ, dɛ́ ba le yomhaah waa lɔ nam ta bibanloɡle nɛ dɛ nae biloɡla.

Amanesoma Luk Aa Chwera Tɔn 17:35

Haahna banɛ ɛɛ pɛo dɛɛ tuɡe kwa, ásɛ Korowii ba kpɔ bɛl kaa, dɛ́ ɡel bɛl.

Job Tɔn 31:10

amɔ Korowii ɡel n haah ka ɛ kondikwaa dɛɛ tɛ baa bɛl, ásɛ dɛ kaa chɔ baala bane habɔɔ.

Maeka 1:11

Safir tena, hé valɛ ba kaa bojaŋ harɛ ta mumɡbal ne sihiih ne. Bwɛjen Saanan tena ɡe, hé bɛ lii ŋɔ hɛɛ le o taa. He baa no kɛŋɔ Bɛt Ɛsɛl tena dɛ wi aa, he jemɛ kɛŋɔ he ta sɔɔhbɔr ba be bela dɔe.

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

Wiile 5:13

Ba ɛɡre bonɔɔna baa namɛ boyu kɛŋɔ yoma ken, bibaala ɡe che datɔɡa dɛɛ kɛŋle.

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Jeremia 13:26

Anomanta, mɛɛ ɡbaa he bwara laalaa kaa nyundua, ásɛ nɛra na he ncho dii, sihiih kpo heya.

Jeremia 13:22

Kɛ he berɔ ŋɔ, “Ɛrɛɛ ɡɛ waa nɔ pu yaa nɔɔ?” He wechɔɡa kohona waa he bwara laala kɛɛ, a ɡel he bwara ɛɛ nyɛɡ kohona la.

Aesaya 32:11

Haahna haa lɔ bosɔɔhna ta la bwara ɛɛ sao he ɔmɛ. Hé wur he laala ta, dɛ́ kpɔ lweyale mile chara.

Aesaya 3:17

Anomanta, Korowii ɛɛ ɡeloo Saayɔn haahna nyubaahna chuɡri ŋwɛra, ásɛ ba nyuune ɡba.

Mumpar 24:65

asɛ dɛ pɛɛ Abraham bonɔɔ la ŋɔ, “Baa bisoo dɛɛ cheme yaa nɔɔ?” Asɛ bonɔɔ la ŋɔ, “N dɔɔree.” Ate, Rebɛka laa konchaahne bɛl kpɔ bɔle o nyu.

1 Kɔrent 11:5

Dɛ haah ɡe dɛ soŋe Korowii kɛɛ dɛ che Korowii Domadɛɛɡe la kpeɡri ta dɛɛ bol waa o ta kon kpɔe bɔle o nyu aa, waa duure kpɔe dɛɛ tɛ baa. O do kɛŋɔ nɛn baa fonɛ o nyu ken.

Wejereme 12:4

Berɛ lii mɔɔ saŋ tel ba tɔɔɡe doonyoo aa lɔ fɔɡbaahna ɡbeni, ásɛ manikare aa dɛ namɛ kwaa ɡel sii, ásɛ mɔɔ jumbii sii ɡel nɛra ir dom ta, kɛɛ yela ɡoe ɡbɔɡa bwa ba a jaɡa,

Aesaya 3:23

ne diɡe, ne ba laalapoŋa andɛɛɡa, ne kwaa baa kpɔa dɛɛ tɔ ba nyuune, dɛ anɔ la baa kpɔa dɛɛ tɔ ba sie, a bwaa wɛɛ ba laa kpɔ.

Jeremia 25:10

Wɛɛ ɡeloo ba silɛɛ ne ba hanfalwaa ɡbɔɡa bwa ba a jaɡa. Nɛra aa mea baa dɛ nama nambwe ta ɡbɔɡaa no, kɛɛ dɛ na kandere chaahna.

1 Webena 19:4

Anomanta, Kooro Hanun lawɛ Kooro Devid toroma la dɛ fonɛ bɛlbwa tampona pera ta, dɛ teŋni ba laala baa doa la muŋkela ta, dɛ ɡel ba bá kaa.