Aesaya 47:1 - mzwDBL

¹ Korowii ŋɔ, “Babelɔn, bwɛjen baa wola yoi dɛ pɔ he nɛ, he do kɛŋɔ bitolo waa wola baa jemɛ. Tu he kookara ta, dɛ́ ba so harɛ. Taraken baa hen ɡbɛɡbɛ kpa, he berɛ yom.

Aesaya 47:1 Referans Kwoze

Jeremia 51:33

Koranar Bwa Kooro, Israel tena aa dɛ tomɔ la ŋɔ, “Babelɔn harɛ nɛra do kɛŋɔ baa kuu mea dɛ kpɔ kaa a lɔ bɔr, asɛ nɛra ba tiɡra do harɛ, aa biɡri bá chɔɡ harɛ la.”

Yela 137:8

Babelɔn tena, ɡɛ haa kpɔa ɛ yaa nɔ, Korowii swee andɛɛɡa tɛ nɛra baa bá bɔ heya a kem.

Sekaria 2:7

Saayɔn tena, hé chwa le ba Jerusalam, he banɔ la baa lawɛ heyaa laa ta kaa bojaŋ Babelɔn harɛ ta la.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Jeremia 46:11

Ijipt haa do kɛŋɔ bitolo waa wola baa jemɛ, he nɛra iro la Gelead harɛ ka nyin tɛɛɡa kwaraa naa, aa won chaah ba. Komɛlbwa aa won ɡel bá dɔ bokpeɡa.

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Jeremia 48:18

Debɔn tena, hé le he soŋnibɔr waa dɔ jirima ba, dɛ́ ba so harɛ bomboɡ ta. Nɛn waa ba chɔɡ Moab la balɔ dɛ́ ba kuuɡi danjwɛjen waa baro la.

Aesaya 37:22

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

Yela 18:27

He dɛ lɛ nɛra baa pwɛra, kɛ mbarafo tena te, he dɛ ba ba ne harɛ.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.

Ɛsekeɛl 28:17

He wer haa doa la ɡelɔ he ɛ mbarafo, dɛ chɔɡ he wejema, he nyanyini la wa. Anomanta, n taɡɛ ta harɛ a wa, ásɛ koranar na a ja ba.

Ɛsekeɛl 26:16

Koranar baa lɔ mpo nyoa la bwa ɛɛ ir ba kookane taa, dɛ́ foo ba koolaala ne ba laala baa sɔh kwaa dawɛ a taa bil. Baa dɛɛ ɔmɔɔ kohona he wa, dɛ́ so harɛ bochela ne.’

Wiile 4:5

Nɛra ba fa aa dɔ kondikondɛɛɡa dɛɛ di la, lɔr kpo ba ba serewe chɔ fɔɡbaahna. Banɔ la baa dɛ di yɛɛ ɡe kam kompuɡreri puldoa dɛɛ di.

Wiile 2:21

Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.

Wiile 2:10

Jerusalam banjeni helɔ dɛ so harɛ jeiih ken, ba ɛ teera do ba nyuune ta dɛ kpɔ lweyale tɔ, a baɡle kɛ ba dɛ di suna. Bitoli ɡe ɡure nyuune su harɛ.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Aesaya 52:2

Jerusalam haa do kɛ bitolo, ir dɛ́ pee he bwara ta, dɛ́ so he kookara ta. Ásɛ dɛ laa jɔɡrɔre baa lawɛ dɛ doe laa ta la foo.

Aesaya 26:5

O dɛ ba banɔ la baa dɛ ɡɔɔ ba te ne harɛ. O dɛ kuuɡi bwɛjen waa kpeɡa baa soɡe o ta, ásɛ o kuuɡi chɔ harɛ.

Aesaya 23:12

Korowii berɔ ŋɔ, “Bwɛjen Sidon haa wera kɛŋɔ bitolo waa wola baa jemɛ, taraken he chɔɡɔ! Silɛɛ aa lɔ he ta la bwa toole kpa. Ir dɛ́ kaa Saepros harɛ ta, hale bela ɡba haa ona dɔe ba.”

Yela 89:44

He laa o koodaŋɡbala lɛ, dɛ lɛ o kora o be.

Job Tɔn 2:13

Ba ne o soɡe harɛpɛɛ, chɔɔ ne jwaana, tɔpera anuanɛ. Bɛlbwa ta waa o be bolɛ, dɛkalkɛ dɛ ba na ɡɛ o bwara aa dɛ nyɛɡ.

Job Tɔn 2:8

Asɛ Job ka so tɔɔ ta a baɡle kɛ o loo kuu, dɛ kpɔ kaŋli dɛɛ paa ŋwɛra la.

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Jona 3:6

Hale bwɛɛ la kooro aa no o bwɛɛ la chɔɡa waa la, o fuɡro ir o kookara ta, dɛ wur o yal waa tɔɔ la ta, dɛ kpɔ lweyal tɔ dɛ ka so tɔɔ ta.

Aesaya 13:1

Babelɔn waa Korowii aa kpɔa baɡle Emɔɔs bie Aesaya chaahna ta laanee nɔ.

Jeremia 50:1

Korowii cheɡɛ men o keame Jeremia nɛɛ dɛ bol Babelɔn harɛ ne nɛra baa lɔ o ta waa ŋɔ,

Aesaya 13:13

Mɛɛ ɡeloo nyundua yiiɡi, ásɛ harɛ jiɡri dɛ́ le o chebɔr, ɡɛ tɔpere men Koranar Bwa Kooro aa baɡle n bandia harɛ nɔ ta la.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 21:1

Waa aa chiɡ Babelɔn harɛ ta Korowii bol baɡle Aesaya chaahna ta laanee nɔ. Gɛ kawulewule aa taa dɛɛ kpɔ pua hɛŋle ɡbo harɛ ta la, ɡɛɛ wekpeɡa ɛɛ ba a le harɛ waa do ɔma ta ba.

Jeremia 51:1

Waa Korowii aa dɛ bol laanee nɔ, “Mɛɛ ɡeloo peuchɔɡe waa dɛ chɔɡ kwaa ba chɔɡ Babelɔn harɛ ne o nɛra.

Jeremia 51:51

He ŋɔ, “Sihiih kpo yaa ya di ncho, dɛkalkɛ nɛŋhɔɔhra dɔ bɔr jo Korowii Dea bɔra aa do ɡoroŋ bela.”