Aesaya 46:7 - mzwDBL

⁷ Ba ɡɔɔro dɛ chwaa, dɛ choɡo cheɡ o chebɔr aa, dɛ o cheɡɔ, waa won tu nakpala. Ba yerɔ waa won sɛh. Waa won lɛɛ ba le ba wahala ɡe ta.

Aesaya 46:7 Referans Kwoze

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Aesaya 46:1

Korowii ŋɔ, “Babelɔn tena voɡa Bel ne Nɛbo baa dɛ toma la di sihiih, ba paa dawɛ keeɡore ta a ɛ bontɔɡa a chea dɛɛ koh.

Jona 1:5

Aa ba ɡɛ la, ɔmee lawɛ nɛra baa lɔ stiimae la bini bwa, asɛ bɛlbwa wi dɛɛ yerɛ o voɡ waa dɛ tomɛ. Ba pa laala aa lɔ stiimae la bini la dɛɛ ta nee ta, ásɛ o do fɛɡre. A ɡɛ waa nɔ bwa aa dɛ chiɡ la, jaah dɛ Jona te lɔ stiimae la lɔɡa bobɛl, dɛ te chɔ dom kwaraa.

Daneɛl 3:1

A habɔɔ la, Kooro Nebukadnesa ɡelɔ ba kpɔ suuɡaswɛm kwaa voɡ, o jaŋne dɛ́ kaa nyundua lɔ naɡale fifraanuanaarɛ, asɛ o paɡri lɔ naɡale anuanaarɛ. Asɛ dɛ ka cheɡo Babelɔn deŋɡarere dor harɛ ta bobɛl waa chɔa kaa baa yerɛ bela Dura.

Jeremia 2:28

Leperaa voɡare he ɡbabir aa ɛa la dɔɔ? Dɛ waane pu heyaa aa, hé yera, dɛ aa won ba lɛ heya aa! Juda tena, he voɡare warɔ kɛŋɔ he bwɛjena.

1 Koranar 18:40

Elaeja do nɛra la ŋɔ, “Hé lawɛ Baal voɡ tena la, he bɛ ɡel bɛlbwa dɔ bɔr chwa!” Ba lawɛ ba bwa asɛ Elaeja ɡel ba kpɔ ba kaa Kesɔn Fɛlembɔjen bini ka kpoo ba.

1 Koranar 18:26

Ate, ba lawɛ nao baa kpɔa tɛɛ ba la, dɛ ɛo dɛ soŋe voɡ Baal ɡwɛeh le chɔɔbɔr ka tel webaŋa wee aa baa tel nyufala. Dɛɛ ŋɔ, “N naa Baal, no yaa ɔ.” Ba sao bar kon baa dɛ ɛ saraha o ta la, ba ta wobɛlbwa nae, ba ta wobɛlbwa ɡe noɛ.

1 Samoɛl 5:3

Tɔ aa pera chɔmbibi la, Asdɔd tena nao kɛŋɔ ba voɡ Daɡɔn la cholo o sie pi harɛ Korowii Ne Nɛwɛnyina Fɔo Daka la sie, asɛ ba ka kwaaro pa o buɡ ta.

Aesaya 37:38

Awola bɛl, o ka dɛ tu voɡa o voɡ Nesrɔk dea, asɛ o bibaala banɛ, Adramɛlɛk ne Saresa ka kpoo kere ne, dɛ chwa kaa Ararat harɛ ta. Asɛ o bibaa Esaahadon chiɡ o naa ta, dɛ di kora.

1 Kɔrent 12:2

He na kɛŋɔ ɡɛ saŋ he fa aa wola Korowii tomɛ la, dɛ he nyoɡrɔ dɛɛ tomɛ voɡa aa wola waa bol, kɛ dɛ a dɔ kpeɡri he nɛɛ hɛɛ toma.

Aesaya 40:20

Nyaa waa wola won dɔ ɡɛ kwaa nɔ la, o dɛ nyin daa waa wola pɔh, dɛ́ nyin nɛn waa dɔ kwaa sɛɛh wejema, ó sɛh dɛ ɛ voɡ ó won che kɛrɛdɛ, dɛ bɛ chole.

Aesaya 41:7

Nɛn waa dɛ sɛh kwa dɛ́ do nɛn waa jemɛ suuɡaswɛm kpɔe dɛ ɛ o bwara ɡbemba. Nɛn waa lɔ suuɡaswɛm dɛɛ pɛ dɛ ɛo voɡ la, dɛ́ do onɔ la waa dɛ loɡa o bwara ɡe ɡbemba. O ŋɔ o be ŋɔ o ɛ wa, dɛ kpaa dadowɛre do voɡ la ta, o bɛ chole.

Aesaya 41:28

N nyiŋi voɡa la bini, dɛ a bɛlbwa toole dɛ́ won baɡle waa la, a bɛlbwa toole dɛ́ won chaŋe waa la.

Aesaya 44:12

Nii taa loɡre do buni dɛ́ yon kpɔ dɛɛ ɛ toma. Hamba nee wɛɛ lɔɔro bokpeɡa ne, dɛ́ ɛo ɡɛ waa dɛ nyin kɛ kon la mar do. Lɔr ne nyɔɡre nee wɛɛ ɛo dɛ́ ba koh.

Aesaya 47:15

Waa nɛra haa le he bechale saŋ dɛɛ la ba be baa jae la aa dɛ ba ɡela he na laanee. Bɛlbwa ɛɛ nyin bɔree dɛ́ chwa kaa, bɛlbwa aa lee do, dɛ́ lɛɛ.”

1 Koranar 18:29

Ba teŋɔ soŋe ka tel kɛŋɔ webaŋa aa baa ɡarɛ, kɛ o ta ban chaŋɛ, ba ta wobɛlbwa ɡe noɛ.

Aesaya 41:29

Na, a bwa ɛ neɡra! A we-ɛɛla bwa ɛ pɛɛpɛɛ. A do kɛŋɔ peu ken, komɛlbwa toole a be.”

Jeremia 11:12

Juda bwɛɛre ne nɛra baa lɔ Jerusalam ɛɛ wiu yerɛ voɡa baa dɛ fuh konsɔɔhsoma a ta laanee, kɛ wekpeɡa la balaa, aa won cha ba.