Aesaya 46:3 - mzwDBL

³ Israel tena haa kaa la bwa, hé no n be. Menee nyiŋi he nɛɛ le ɡɛ saŋ baa lolɛ bwa.

Aesaya 46:3 Referans Kwoze

Mmarare 1:31

Hé berɔ na ɡɛ waa ɛa tɛ heyaa pua hɛŋle ɡbo harɛ la ta ja, ɡɛ waa kpɔ heyaa kɛŋɔ mɛɛ yon kpɔ o bie la. O kpɔ heyaa le bela bwa dɔŋ haa lea dɛ ba tel bonɔ nɔ.’

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Yela 71:6

N soɡa bini bwaa n le, dɛ kpɔ n te dawɛ he nɛ, baa lol mɛ bwaa he le, dɛ kpɔ nɔn tɔ n nɛ. Mɛɛ kpɛɛree saŋ bɛlbwa.

Aesaya 51:1

Korowii ŋɔ, “He banɔ la he siwi aa swɛɛ waa aa toɡra ta, hɛɛ nyin he jem mɛ la, hé no n be. Hé lii he nabaa Abraham waa do kɛŋɔ bwe baa pɛɡre heyaa le o ta, ne bɔɔ baa kwi heyaa le o bini la.

Aesaya 48:1

Korowii ŋɔ, “Hé no, Jekɔb naanar baa bera dɛɛ yerɛ heyaa Israel tena he le Juda dea, he dɛ ŋwɛɛ men Korowii sɔn, dɛɛ ɛ kɛŋɔ he dɛ tomɛ Korowii Israel tena aa dɛ tomɔ la, kɛ haa waa haa dɛ bol la ɛ.

Aesaya 10:22

Israel tena, dɛ he warɔ kɛŋɔ mpo nyoa hɛŋle kwaraa naa, he tamaa dɛɛ ba kae dɛ́ berɛ ba. Chɔɡa chɔ le dɛɛ kpa heya. Gɛ Korowii aa cheɡ heyaa la, he chɛ ɡɛ.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Kaala 19:4

“Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.

Aesaya 46:12

Hé no n be, deŋnekpeɡ tena, he ne waa aa toɡra baah jaŋne.

Aesaya 44:21

Korowii ŋɔ, Israel tena, hé lii ɡɛ waa nɔ. N bonɔɔnaa heya. Menee ta heya. Maa he waa soh bwa.

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Yela 28:9

N Naa Korowii, ba lɛ he nɛra, dɛ́ swee andɛɛɡa tɛɛ ba. Nyiŋi ba nɛ kɛŋɔ peteɡre kaa saŋ waa wola jaɡa dɔe.

Aesaya 4:3

Nɛra báa ba ka Jerusalam Korowii aa ɡela ba dɔ ba nyu la, báa yer baa nɛra baa do ɡoroŋee.

Aesaya 10:20

Gɛ saŋ la, Israel tena baa kaa la aa hwɛɡaa dɔ Asiiria koojen waa lɔ ba harɛ la nɛɛ kpa. Korowii Israel Nɛŋɡoroŋ la nɛɛ baa ba ba kpɔ ba te dawɛ kasinteŋ ne.

Aesaya 10:21

Ba bini tama ɛɛ berɔɔ ba Nemenɛ Korowii be.