Aesaya 45:20 - mzwDBL

²⁰ Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Aesaya 45:20 Referans Kwoze

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Aesaya 43:9

Gel harɛre bwa ta nɛra ba cheme bobeŋkpoŋ. Ba voɡ besoo wona baɡle waa aa ɛa saŋ la mɔɔ a ɛɔ? Voɡ besoo wona baɡle anɔ aa dɛ ba chiɡa taraken nɔɔ? A ba a danseɛre ne dɛ́ ba baɡle kɛŋɔ waa aa dɛ ba bola la ɛ kpela, ásɛ ane ɡe no dɛ́ sɛh kɛŋɔ kpelaa.”

Aesaya 46:1

Korowii ŋɔ, “Babelɔn tena voɡa Bel ne Nɛbo baa dɛ toma la di sihiih, ba paa dawɛ keeɡore ta a ɛ bontɔɡa a chea dɛɛ koh.

Yela 115:8

Nɛra baa kwaara ne nɛra baa kpɔ ba te dawɛ a nɛɛ bwa ɛɛ ɛ beŋkpoŋii.

Ɛfesos 2:16

Waa la bwa a fa aa vɔrɔwe yaa ya hah dɔŋa la, o chɔɡ a bwa ta daɡaɡre la ta dɛ ɡel ya bwa ɛ beŋkpoŋ, dɛ berɛ lawɛ ya ne Korowii pɛ.

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

Jeremia 50:28

Nɛra baa chwaa le Babelɔn harɛ dɛ ba Jerusalam la dɛ bol ŋɔ, Korowii baa dɛ tomɔ la dɛ́ ba ba bɔ Babelɔn tena kem, chɔɡa baa chɔɡ Korowii Dea la wa.

Jeremia 10:14

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Jeremia 10:8

Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

Aesaya 41:21

Korowii, Israel tena kooro la ŋɔ, “Hé kpɔ he waa ba, dɛ́ ba baɡle ɡɛ aa ɛa he kon do som.

Aesaya 4:2

Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.

Aesaya 48:14

Hé bwa ba cheme dɛ́ no. Voɡa la bini umee wona baɡle anɔ nɔɔ? Nɛn maa leo la ɛɛ yo Babelɔn tenaa. Wɛɛ ɛ waa maa dɛ nyin kɛ o ɛ bwaa.

2 Webena 25:15

Anomanta, Korowii baah di Kooro Amasea nɛ, dɛ tomɛ o keame bɛl o be ŋɔ, “Ɛrɛɛ hɛɛ tomɛ harɛre ane voɡa aa wola wone lɛ a nɛra le he nɔn ta nɔɔ?”

2 Webena 28:23

O kpoo kwaa ɛ sarahare Damaskɔs tena baa yoo dɛ pɔ o nɛɛ voɡare ta, dɛkalkɛ o liiro ŋɔ, “Siiria koranar voɡa aa cha ba nomanta, mɛɛ kpoo kwaa ɛ sarahaa tɛa, ásɛ a cha mɛ.” Kɛ anee ɡela o ne Israel tena lɔ harɛ.

Aesaya 44:9

Nɛra baa dɛ ma voɡa kɛɛ dɛɛ sɛah la dɛ ɛ wepuu, kwaa ba sie aa dɛ lɛ a ta la ɛ konsale. Nɛra baa dɛ tomɛ voɡa nɔ, ba do kɛŋɔ nɛra baa nyoŋa ken, baa wobɛlbwa jemɛ, baa di sihiih.

Aesaya 44:10

Nomɛlbwa waa dɛ ma voɡ kɛɛ dɛɛ loɡɔ la, o ta tɔnɔ dɔe tɛo.

Aesaya 57:13

Dɛ waane pu heya aa, hé do lɔŋɔ tɛ he voɡdamanta la, á ba lɛ heya. Peu bɛlbwa ɛɛ won che a bwa kaa. Nyoa peu kwaraa ɛɛ won kpɔa kaa. Kɛ nomɛlbwa waa kpɔ o te dawɛ n nɛɛ la te ɛɛ so harɛ la taa, dɛ́ tom mɛ N Dea Jerusalam.”

Jeremia 48:13

Sihiih ɛɛ kpo Moab tena ba voɡ Kemɔs waa, kɛŋɔ sihiih aa kpo Israel tena voɡ Bɛtel baa kpɔ ba hwɛɡa dawɛ o nɛɛ la.

Jeremia 48:47

Kɛ tɔpera ane dɛ ba ásɛ n berɛ ɡel Moab harɛ do ɡɛ o fa aa doa ja. Men Korowiirii bola.” Bonɔɔ men Jeremia Korowii waa maa bola ŋɔ wɛɛ pa Moab tena bolchɔɡe la jaɡɛ.