Aesaya 45:12 - mzwDBL

¹² Menee ta harɛ, dɛ ta nɛwɛnyina do o ta. N kpeɡrii n kpɔ baŋre nyundua kɛŋɔ yal, dɛ kpɔ wee ne korobie dɛ weweela cheɡ a chebɔra.

Aesaya 45:12 Referans Kwoze

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

Aesaya 44:24

Israel tena, Korowii waa ɛ he Lɛɛ, dɛ ta heyaa la ŋɔ, “Menee Korowii maa ta komɛlbwa. N ɡboo paɡri nyundua kɛŋɔ yal, nomɛlbwa ta n nɛɛ jae n ta harɛ.

Aesaya 42:5

Korowii waa ta nyundua dɛ paɡru, dɛ ta harɛ ne kwaa aa lɔ o ta, dɛ tɛ nɛra baa lɔ o ta hweera ba dɔ mkpa la, onee bola ŋɔ,

Nehemia 9:6

He ɡboo Korowii, henee ta nyundua ne weweela bwa. Henee ta harɛ ne mpo, dɛ kwaa aa lɔ a ta bwa, dɛ ɡel a bwa do le. Kwaa aa lɔ nyundua bwa dɛ ɡuŋi.

Mumpar 2:1

Gɛɛ a do Korowii ta nyundua ne harɛ, ne komɛlbwa aa lɔ a ta dɛ tonɛ.

Jeremia 32:17

“Nemenɛ Korowii, henee cheɡɛ he kpeɡri kohona ta dɛ ta nyundua ne harɛ. Wobɛlbwa aa kpeɡe tɛɛ.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Hibru 11:3

Yarada taa a che ya no a mun kɛŋɔ nyoa wobol nee Korowii ta nyundua ne harɛ. Anomanta, nyundua ne harɛ yaa dɛ na nɔ, kwaa baa wola an na nee ba taa.

Aesaya 40:28

Haa jemaa? He ta noɛ yaa? Korowii lole saŋ bɛlbwa. Onee ta harɛ nɔ bwa. Waa koh bwa, waa ɡwɛɡre ɡe. Nomɛlbwa aa won jemɛ o wejema waa dɔa mun bwa.

Sekaria 12:1

Israel waa aa le Korowii bee nɔ. Korowii waa ta nyundua ne harɛ, dɛ ta nɛwɛnyini la ŋɔ,

Aesaya 40:22

Onee di harɛ bwa kora dɛ so kookara ta nyundua, asɛ nɛra baa lɔ harɛ ta do jeɡre kɛŋɔ vaɡla ken. Onee paɡri nyundua bɔle kɛŋɔ yal ken, dɛ baŋro kɛŋɔ baa baŋre tɛnte dea dɛ so o bini la.

Aesaya 40:12

Umee dɛ́ won kpɔ o nɔŋkola maɡɛ moo, kɛɛ dɛ won kpɔ nɔn maɡɛ ɡɛ nyundua aa do kan nɔɔ? Umee wona kari harɛ nɔ ta teera, kɛɛ bwejena ne deŋɡarere tɔɡre kɛrɛdɛ nɔ?

Yela 102:25

Wobɛlbwa mumpar la, henee ta harɛ, kwaa aa lɔ nyundua ɡe, he nɔn tomaa a bwa.

Mmarare 4:32

Hé ta sie nyiŋi waa aa bala mɔɔ ba lolɛ heyaa la. Dɛ́ berɛ le ɡɛ saŋ Korowii aa ta nɛn ba harɛ nɔ ta la na. Hé ta sie nyiŋi harɛ nɔ bwa ta, waane aa do kan ɡwaa anɔ dɔŋ chiɡo kɛɛ he no a dɔŋa kaa?

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

Job Tɔn 37:18

Hɛɛ won ja Korowii nɛɛ dɛ́ paɡri nyundua, waa do kpeɡri kɛ ayaawa aa dɛ nyɛɡle kɛ diɡi aa?

Yela 104:2

asɛ nii bare cheme, dɛ paɡri nyundua kɛŋɔ tɛnte,

Aesaya 37:16

“N Naa Koranar Bwa Kooro, Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

Aesaya 48:13

N ɡbaɡbaa kpɔ nɔn pa harɛ mun, dɛ kpɔ n nɔndiɡ baŋre nyundua. N yera aa, a dɛ ba n be.

Aesaya 51:13

Kɛ he soh men Korowii maa ta heyaa dɛ paɡri nyundua kɛŋɔ yal, dɛ pa harɛ mun la wa. Ɛrɛwaa tɔpere bɛlbwa hɛɛ ɔmɛ nɛra baa dɛ fiiɡi heya, dɛɛ nyin bá chɔɡ heyaa kohona nɔɔ? Leperaa ba bandia ɛɛ tel ɔ?

Aesaya 40:26

Hé ha sie dɛ nyiŋi nyundua ne kwaa aa lɔ o ta. Korowiirii ta weweela dɛ ɡel a le beŋkpoŋa beŋkpoŋa dɛ warɛ, asɛ o pa bɛlbwa sɔn. O kpeɡri waa dɔa kohona nomanta, beŋkpoŋ kwaraa ta nyoɡrɛ.