Aesaya 44:9 - mzwDBL

⁹ Nɛra baa dɛ ma voɡa kɛɛ dɛɛ sɛah la dɛ ɛ wepuu, kwaa ba sie aa dɛ lɛ a ta la ɛ konsale. Nɛra baa dɛ tomɛ voɡa nɔ, ba do kɛŋɔ nɛra baa nyoŋa ken, baa wobɛlbwa jemɛ, baa di sihiih.

Aesaya 44:9 Referans Kwoze

Aesaya 41:24

Voɡa la ta komɛlbwa ɛɛ, asɛ a we-ɛɛla ɡe ɛ wepuu. N kii nɛra baa dɛ toma la ne ba voɡa.

Aesaya 41:29

Na, a bwa ɛ neɡra! A we-ɛɛla bwa ɛ pɛɛpɛɛ. A do kɛŋɔ peu ken, komɛlbwa toole a be.”

Yela 97:7

Sihiih kpo nɛra baa dɛ tomɛ voɡa bwa, nɛra baa kpɔ voɡare dɛɛ maŋkura ba te, ne voɡa bwa dɛ ɡuŋi Korowii sie.

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Tɔn Pɔɔl Aa Chwerɛ Rom Tena 1:22

Ba dɛ yerɛ ba te wejerema, kɛ ɡɛna ɡee ban.

Daneɛl 11:38

Wɛɛ kpɔ duuree tɛ voɡ waa dɛ nyiŋi dekpeɡa ta, ne voɡ o naawa aa wola on jemɛ la. Wɛɛ kpɔ suuɡaswɛm, ne suuɡapoŋa, ne bwedɛɛɡa dɛ kwaa a yoɡ aa kpeɡa bwaa tɛo.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Jeremia 2:11

Harɛ bɛlbwa nɛra toole dɛ charɛ ba voɡa, a lole kɛŋɔ a waa ta kasinteŋ dɔe, kɛ n nɛra kpɔ n jirima tɛ voɡa aa wola tɔnɔ bɛlbwa dɔe dɛɛ toma.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Aesaya 44:18

Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Aesaya 43:8

Korowii ŋɔ, “Hé kpɔ nɛra baa dɔ sibie kɛ baa wola na, ne nɛra baa dɔ deŋna kɛ baa wola waa no la ba.

Aesaya 42:18

Korowii ŋɔ, “Hé nɛra haa taŋ deŋna, hé no! Nyoŋa ɡe, hé nyiŋi dɛ́ na!

Yela 135:18

Nɛra baa kwaara ne nɛra baa kpɔ ba te dawɛ a nɛɛ bwa beŋkpoŋ.

Yela 115:8

Nɛra baa kwaara ne nɛra baa kpɔ ba te dawɛ a nɛɛ bwa ɛɛ ɛ beŋkpoŋii.

Ɛfesos 4:18

Ba sibie tɔɔɡɔ. Ba nya liire, dɛkalkɛŋɔ ba ɛ deŋnekpeɡ tena. A waa ɡela baa wola Korowii mkpa dɔe la.

Sitɔɔla 10:14

Waa pu heya aa, hé ka wi no voɡa haa lea cheɡ tɛ he te la, ásɛ a lɛ heya.”

Mmarare 27:15

‘Nomɛlbwa waa sɛh komɛl chaa kɛɛ dɛ sɔh cheɡ voɡ dɛɛ tomɔ la, Kórowii taahno, dɛkalkɛŋɔ o kii.’ Ásɛ Israel tena la ɡe chaŋe ŋɔ, ‘Aamen!’

2 Koranar 19:18

Ba pa ba voɡare do nii ta a fuh, dɛkalkɛ a ɛ daa ne bwea nɛn aa sɛah.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 42:17

Kɛ nɛra baa dɛ yarada voɡa, dɛɛ yerɛ kwaa baa sɛah, kɛɛ voɡa ba ‘naa’ la te, mɛɛ vɛɛh baa bá di sihiih kohona.”

Aesaya 43:9

Gel harɛre bwa ta nɛra ba cheme bobeŋkpoŋ. Ba voɡ besoo wona baɡle waa aa ɛa saŋ la mɔɔ a ɛɔ? Voɡ besoo wona baɡle anɔ aa dɛ ba chiɡa taraken nɔɔ? A ba a danseɛre ne dɛ́ ba baɡle kɛŋɔ waa aa dɛ ba bola la ɛ kpela, ásɛ ane ɡe no dɛ́ sɛh kɛŋɔ kpelaa.”

Aesaya 44:11

O ne nɛra baa dɛ tomɛ voɡ la bwa ɛɛ di sihiih. Nɛra laa dɛɛ sɛh kwa aa? Ame binii ba doɔ? Ba bwa ɛɛ ba chemoo ba bol ba waa dɛ́ pa bole, ásɛ ba bwara yɔr kohona, ba di sihiih.

Aesaya 45:16

Sihiih ɛɛ kpo nɛra baa cheɡ voɡaa. Ba bwa ɛɛ pɛo di ncho.

Aesaya 65:13

Anomanta, Nemenɛ Korowii ŋɔ, “N bonɔɔna ɛɛ dɔ kondikwaa di dɛɛ nyɔ sen kohona, kɛ he te, lɔr ne nyɔɡre ɛɛ kpo heyaa taeh. N bonɔɔna sie ɛɛ lɛo, kɛ he te ɛɛ di sihiih.

Mmarare 4:28

Bela haa ka so la te, hɛɛ tomɛ voɡa nɛwɛnyini aa ɛa, daa ne bwea aa wola na, aa waa no, aa kwaa di aa wola sɔɔh ɡe no.

Yela 115:4

Suuɡapoŋa ne suuɡaswɛm nee ba ɛ ba voɡare, nɛwɛnyinii kpɔ nɔɔra ɛa.

Aesaya 57:12

He dɛ lii kɛŋɔ anɔ la haa dɛ ɛ la toɡrɔ, kɛ mɛɛ le he mun nee waa haa dɛ ɛ ta. He voɡa aa tɔnɔ bɛlbwaa dɔ tɛ heya.

Jeremia 2:26

Gɛ ba lawɛ ŋwɛɛ sihiih yon kpoo la, ɡɛɛ sihiih kpo he Israel tena bwa, he ne he koranar, ne he nomonome ne sɔfore, dɛ n keamere bwa.