Aesaya 44:28 - mzwDBL

²⁸ Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Aesaya 44:28 Referans Kwoze

2 Webena 36:22

Koojen Saeros baa di kora Pɛɛsea harɛ ta, o kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Pɛɛsea harɛ Koojen Saeros chwerɛ tɔne kaa o harɛ bwa ta ŋɔ,

Aesaya 45:1

Korowii le Saeros ŋɔ ó ɛ kooro, dɛ leo ŋɔ ó pɔ harɛre nɛra nɛ. O leo ŋɔ ó yo harɛre, dɛ́ pɔ ba koranar nɛɛ dɛ lɛ́ ba kpeɡri ba be. Korowiirii dɛ́ ya bwɛjena doonyoone ɡbeni tɛo. O ŋɔ Saeros be ŋɔ,

Daneɛl 10:1

Kooro Saeros aa di kora Pɛɛsea harɛ bentooro te ta la, Korowii pili waane bini baɡle Daneɛl, baa bera dɛ yerɔ Bɛltesasa. Dɛ waa la ɛ kpela dɛ ɛ laajen wa. Wepila la taa o che dɛ no waa la mun.

Aesaya 45:13

Mɛɛ che toɡra n wa aa toɡra taa, dɛ́ ɡel Saeros ir dɛɛ ɛ waa aa toɡra ne anɔ la maa dɛ nyin. Mɛɛ kwaa o ŋwɛnɛree a do wer. Onee dɛ́ ba kwaa ma n bwɛjen Jerusalam, dɛ́ lɛ n nɛra baa laɡ ba laa ta kaa harɛfala ta la. Waa ɛ dɛ́ lɛ komɛl le nɛn be. Men Nemenɛ Korowiirii ŋɔa.”

Aesaya 63:11

Anee ba berɛ lii waa aa chiɡa, Korowii bonɔɔ Mosis saŋ la, asɛ dɛ bɔɔ ŋɔ, “Leperaa Korowii waa lɛ o nɛra ne ba sitɔɔla le mpo ta la dɔɔ taraken nɔ? Korowii waa kpɔ o Doma tɛ Mosis la sɛ?

Aesaya 46:11

Mɛɛ yerɛ nomɛlee le bojaŋ harɛ wee leebɔr, ásɛ o ba tawɛ harɛ nɔ ta nɛra baah ta kɛŋɔ kela ken, dɛ́ ba tonɛ anɔ la maa maɡla bil bwa. Waa maa bola la, anee dɛɛ ba ɛɛ.

Aesaya 45:3

Mɛɛ tɛɛ kondɔɔh aa sɔah nɛra aa wola an na, ásɛ he jemɛ kɛŋɔ menee Korowii Israel tena aa dɛ tom mɛ, n yerɛ he sɔn.

Aesaya 42:15

Mɛɛ chɔɡ bwejena ne deŋɡarere bwaa, dɛ́ ɡel a papooni ne kpɔɡa hol, dɛ́ ɡel moo ne taama bwa hweeh dɛ́ berɛ pua hɛŋle ɡbo harɛ.

Aesaya 14:32

Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”

2 Webena 36:23

“Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta. Taraken, hé nɛra haa dɛ tomɛ Korowii bwa ir kaa bela, Kórowii haa dɛ tomɔ ja he nɛ.’ ”

Ɛsra 1:1

Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

Aesaya 41:27

Men Korowiirii tɔ sie bol amanesoma la Jerusalam tena be. Men tomɛ torome ŋɔ ó ka bol ba be.

Aesaya 54:11

Jerusalam, wahala bwɛjen peuchɔɡa aa taa dɛ chɔɡe, nomɛlbwa aa wola toole dɛ́ larawe he bwara, mɛɛ kpɔ bwedɛɛɡa a yoɡ aa kpeɡa dɛ́ berɛ kwaa mae.

Aesaya 58:12

Ásɛ he nɛra won berɛ kwaa vɔrɔwe saŋ la bwɛɛre aa paɡra, dɛ berɛ dimɡbeeni la cheɡ a buɡ ta. Baa yerɛ heyaa nɛra haa won danjwɛɛre aa kuuɡa kwaaraa, ne nɛra haa won deene aa choɡla mae.”

Jeremia 27:6

Menee kpɔ harɛre nɔ bwa do n bonɔɔ Babelɔn Kooro Nebukadnesa nɔn ta, hale dɛ ɡel kpɔɡ bini ola bwa ɛɛ tomɔ.

Jeremia 43:10

Ásɛ dɛ berɛ ŋɔ ba be ŋɔ men Koranar Bwa Kooro, Israel tena aa dɛ tom mɛ ŋɔ, ‘Mɛɛ kpɔ n bonɔɔ Kooro Nebukadnesa waa ɛ Babelɔn kooroo ba bonɔ, dɛ́ ɡel ó kpɔ o kookara ba cheɡ bwekuŋe haa huɡa nɔ ta. Wɛɛ baŋre o tɛnte deaa ó do kɛŋɔ koodem.

Ɛsra 1:3

Taraken, hé nɛra haa dɛ tomɛ Korowii bwa ir kaa bela, dɛ́ ka berɛ kwaa ma Korowii Israel tena aa dɛ tomɔ Dea waa lɔ Jerusalam. Onee dɛ́ ja he nɛ.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.