Aesaya 44:24 - mzwDBL

²⁴ Israel tena, Korowii waa ɛ he Lɛɛ, dɛ ta heyaa la ŋɔ, “Menee Korowii maa ta komɛlbwa. N ɡboo paɡri nyundua kɛŋɔ yal, nomɛlbwa ta n nɛɛ jae n ta harɛ.

Aesaya 44:24 Referans Kwoze

Aesaya 45:12

Menee ta harɛ, dɛ ta nɛwɛnyina do o ta. N kpeɡrii n kpɔ baŋre nyundua kɛŋɔ yal, dɛ kpɔ wee ne korobie dɛ weweela cheɡ a chebɔra.

Aesaya 42:5

Korowii waa ta nyundua dɛ paɡru, dɛ ta harɛ ne kwaa aa lɔ o ta, dɛ tɛ nɛra baa lɔ o ta hweera ba dɔ mkpa la, onee bola ŋɔ,

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 51:13

Kɛ he soh men Korowii maa ta heyaa dɛ paɡri nyundua kɛŋɔ yal, dɛ pa harɛ mun la wa. Ɛrɛwaa tɔpere bɛlbwa hɛɛ ɔmɛ nɛra baa dɛ fiiɡi heya, dɛɛ nyin bá chɔɡ heyaa kohona nɔɔ? Leperaa ba bandia ɛɛ tel ɔ?

Job Tɔn 9:8

O ɡboo paɡri nyundua bɔle kɛ yal, dɛ berɛ won valɛ mpo nehɛma ta.

Aesaya 44:2

Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,

Aesaya 43:14

Korowii, Israel Nɛŋɡoroŋ waa ɛ he Lɛɛ la ŋɔ, “He lɛɛ nomanta, mɛɛ do laa tena bá ka yo Babelɔn. Mɛɛ kuuɡi bwɛjen la doonyoonee, ásɛ o nɛra silɛɛ berɛ wii.

Aesaya 40:22

Onee di harɛ bwa kora dɛ so kookara ta nyundua, asɛ nɛra baa lɔ harɛ ta do jeɡre kɛŋɔ vaɡla ken. Onee paɡri nyundua bɔle kɛŋɔ yal ken, dɛ baŋro kɛŋɔ baa baŋre tɛnte dea dɛ so o bini la.

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Ɛfesos 3:9

Korowii aa ta komɛlbwa saŋ la ba le fini, o kpɔ waa nɔ ne ɡɛ a ŋwɛnɛre aa doa sɔh nɛwɛnyina. Kɛ o pili a bini baɡ mɛ ń bol baɡle nɛra bwa ba jemɛ.

Amanesoma Jɔn Aa Chwera Tɔn 1:3

O nɛɛ Korowii che dɛ ta komɛlbwa. Kontaale bɛlbwa toole waa wola o nɛɛ cheɡɛ dɛ tao.

Jeremia 51:15

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Aesaya 48:13

N ɡbaɡbaa kpɔ nɔn pa harɛ mun, dɛ kpɔ n nɔndiɡ baŋre nyundua. N yera aa, a dɛ ba n be.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Yela 104:2

asɛ nii bare cheme, dɛ paɡri nyundua kɛŋɔ tɛnte,

Job Tɔn 26:7

Korowii paɡri weekaŋle nyunduabɔr bɔle, bela komɛlbwa aa wola toole, o ta ɡelɛ harɛ saɡɛ komɛlbwa ta o lawɔ kpoŋe.

Galaasia 1:15

Kɛ Korowii te lee mɛ kwaraa mɔɔ ba lol mɛ, asɛ dɛ sune n nɛɛ dɛ cha mɛ, dɛ kpɔ mɛ do toma nɔ ta.

Aesaya 63:16

Dɛ ya nabaa Abraham ne Jekɔb ŋɔ baa yaa jemɛ kwaraa naa, he te aa yaa ta, henee ya mɛɛ.

Aesaya 49:1

Bojaŋa harɛre nɛra, hé cheɡ deŋne dɛ́ no n be. Korowii lee mɛ n ɛ o bonɔɔ, o yerɛ n sɔn mɔɔ ba lol mɛ.

Jeremia 50:34

Kɛ ba Lɛɛ la kpeɡri, o sɔne Koranar Bwa Kooro. Wɛɛ yoo kohona dɛ́ lɛɛ ba, ásɛ ba dɔ bosɔɔhna ba harɛ ta, kɛ Babelɔn tena te, ba bwaraa dɛɛ ba nyɛɡa.”

Yela 71:6

N soɡa bini bwaa n le, dɛ kpɔ n te dawɛ he nɛ, baa lol mɛ bwaa he le, dɛ kpɔ nɔn tɔ n nɛ. Mɛɛ kpɛɛree saŋ bɛlbwa.

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Aesaya 59:20

Korowii ŋɔ o nɛra be ŋɔ, “Mɛɛ ba Saayɔnee dɛ́ ba lɛ he banɔ la haa charɛ liire le he wechɔɡa ta bwa.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 48:17

Waa Korowii, waa ɛ he Lɛɛ, Israel Nɛŋɡoroŋ la aa dɛ bolee nɔ, “Menee Korowii haa dɛ tom mɛ la, menee dɛɛ chaɡle heyaa anɔ la aa wera tɛ heya, dɛ berɛ dɛɛ chaɡle heyaa ŋwɛnɛ aa chɛ kɛŋɔ hé kpɔ o ta.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Yela 78:35

Ba liiro kɛŋɔ Nemenɛ Korowiirii fa do kɛŋɔ Bwetal dɛɛ tɔ ba ɡbemɡbe, dɛ ɛ ba Lɛɛ.

Job Tɔn 31:15

Korowii waa ta mɛ do n nya tea bini laa ta ba ɡe aa? O tenten laa ta ya bwa do teene bini naa?

Job Tɔn 37:18

Hɛɛ won ja Korowii nɛɛ dɛ́ paɡri nyundua, waa do kpeɡri kɛ ayaawa aa dɛ nyɛɡle kɛ diɡi aa?

Yela 136:6

Onee ta harɛ o chɔŋɛ neerare sie. O nyina lole saŋ bɛlbwa dɛɛ la.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Sekaria 12:1

Israel waa aa le Korowii bee nɔ. Korowii waa ta nyundua ne harɛ, dɛ ta nɛwɛnyini la ŋɔ,

Aesaya 45:7

Menee ta bochaah ne biro bwa, menee dɛɛ tɛ bosɔɔhna, dɛ berɛ dɛɛ ba sibeɡra ɡe ne. Men Korowii, menee ɛ anɔ bwa.

Aesaya 45:8

Mɛɛ ɡeloo wa aa toɡra le nyundua ba harɛ ta kɛ bwaala ken, ásɛ waa aa wera ne kasinteŋ do le, Men Korowiirii ta a bwa.”

Jeremia 10:12

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.