Aesaya 43:27 - mzwDBL

²⁷ He nabaa waa tɔ sie la ɛ wechɔɡa, asɛ he nomonome bwa kpaŋe n nɛ.

Aesaya 43:27 Referans Kwoze

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Aesaya 28:7

Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.

Ɛsekeɛl 16:3

Ŋɔ waa men Nemenɛ Korowii aa dɛ bol Jerusalam tena be laanee nɔ, ‘Keenan harɛ taa ba lolɛ he naawa. Amɔre tee he nabaa, asɛ Hiti tee he nya.

Tɔn Pɔɔl Aa Chwerɛ Rom Tena 5:12

Nɛmbeŋkpoŋ nɛɛ a che wechɔɡa ba harɛ nɔ ta, asɛ a che o wechɔɡa ta seo ba harɛ ta. A waa seo bu nɛwɛnyini bwa la, dɛkalkɛŋɔ nɛwɛnyini bwa ɛ wechɔɡa.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Matiu 27:41

Gɛɛ Sɔfonomonome ne Tɔnjerema ne bwɛɛ nomonome muɡli o baah ɡɛ banɔ la aa ɛa la,

Matiu 27:1

Tɔɔ aa pera chɔmbibi la, Korowii Dea Sɔfonomonome bwa ne ba harɛ la nomonome chemo dɛ vɔrɔwe Yeesu kpoe vɔrɔwa,

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Malakae 3:7

He ne he naawa bwaa berɛ habɔɔ kpo mɛ, dɛ vɛh me Mmarare ta teŋa. Hé berɛ ba n be, ásɛ n ɡe do sie he be. Kɛ he dɛ bɔɔ ŋɔ, ‘Ɛrɛɛ ya ɛ dɛ́ berɛ won ba he be nɔ?’

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Aesaya 3:12

Toli ne bonɔɔna dɛ fiiɡi n nɛra. Haahnaa dɛɛ nyiŋi ba nɛ dɛɛ do ba. N nɛra, he sitɔɔla ɡelɔ he nyoɡre. Ba ɡelɔ he nyoɡre ŋwɛnɛ.

Yela 78:8

Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

Nɛra Kura 32:14

Taraken, he iro kɛŋɔ wechɔɡ-ɛɛra dɛ chiɡ he naawa naa ta, dɛɛ ba ɡela Korowii baah di kohona Israel tena nɛ.

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

Aesaya 24:20

Harɛ ɛɛ yɛɛɡoo kɛŋɔ sennyɔdɛɛ ken, kɛɛ pata peu aa dɛ kpɔɔ ken. Harɛ nɛra wechɔɡa sii ba nɛ, dɛ́ ba ba ne harɛ, baa choloo baa wola ir kpa.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 8:8

Ɛrɛɛ hɛɛ ba wona ŋɔ he jemɛ wa dɛ jemɛ me Mmarare la ɡeɔ? Nɛra baa dɛ chwerɛ Mmarare la bera, dɛ́ neɡre heya.

Jeremia 8:9

Sihiih ɛɛ kpo wejerema la bwaa, baa wiluu á do kɛŋɔ bel aa laɡ ba. Baa vɛh n waa la nomanta, ba ta wejema bɛlbwa dɔe kpa.