Aesaya 43:26 - mzwDBL

²⁶ Hé lii mɛ waa a fa aa chiɡa, ásɛ ya cheme dɛ́ bola, ásɛ he baɡle anɔ la haa di bole a ta.

Aesaya 43:26 Referans Kwoze

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Aesaya 43:9

Gel harɛre bwa ta nɛra ba cheme bobeŋkpoŋ. Ba voɡ besoo wona baɡle waa aa ɛa saŋ la mɔɔ a ɛɔ? Voɡ besoo wona baɡle anɔ aa dɛ ba chiɡa taraken nɔɔ? A ba a danseɛre ne dɛ́ ba baɡle kɛŋɔ waa aa dɛ ba bola la ɛ kpela, ásɛ ane ɡe no dɛ́ sɛh kɛŋɔ kpelaa.”

Tɔn Pɔɔl Aa Chwerɛ Rom Tena 8:33

Umee dɛ́ won na Korowii bii waa lee ba nɔ bwara wechɔɡe bɛl dɛ bolɔ? Korowii kwara waa dɛ pa bole la, o ŋɔ ba waa wer dɛɛ su o siwi.

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

Tɔn Pɔɔl Aa Chwerɛ Rom Tena 10:3

Baa ɡɛ Korowii aa ɛa dɛɛ lɛ nɛra kɛ nɛndɛɛɡa ba wa ɛɛ su o siwi jemɛ, anomanta, ba ɡbaɡba ŋwɛnɛɛ baa kpɔ, dɛ vɛh Korowii ŋwɛnɛ waa cheɡɛ o ta dɛ ɡel nɛra wa ɛɛ su o siwi la ta teŋa.

Aesaya 41:1

Korowii ŋɔ, “Harɛre nɛra, hé hel dɛ́ no n be! Harɛre nɛra, hé nyin bokpeɡfala, dɛ́ ba bol he wa! Ya bwa cheme kɔɔto ásɛ bɛlbwa bol o wa.

Aesaya 50:8

Korowii bɛn mɛ. Wɛɛ pa mɛ bolee. Umee dɛ́ won kpɔ waa dawɛ n nɛɔ? Naate ɡel ya cheme. Ume tenee n ne o dɔɔ? Naate ba n ne o cheme, dɛ́ bol.

Job Tɔn 16:21

N dɛ nyin nomɛl ó che n naa ta soŋe Korowii tɛ mɛ, ɡɛ dam yon soŋe dɛɛ tɛ o dɔŋ la.

Mumpar 32:12

Henee ŋɔa ŋɔ hɛɛ ɡeloo he naanar warɛ kɛŋɔ, mpo nyoa hɛŋle nomɛlbwa aa wola won kur ba.”

Tɔn Pɔɔl Aa Chwerɛ Rom Tena 11:35

Ume komɛlee Korowii kemɛ ka a ɛ kɛŋɔ Korowii di o kem dɛ ba bɔɔ wɔ?”

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Ɛsekeɛl 36:37

Nemenɛ Korowii ŋɔ, “Mɛɛ berɔ no Israel tena wesoŋa ja, ásɛ dɛ ɛ ɡɛ waa la tɛɛ ba. N dɛ ba ɡela ba warɛ kɛŋɔ peera ken.

Amanesoma Luk Aa Chwera Tɔn 10:29

Dɛ Tɔnjereme la dɛ nyin kɛ ó baɡle kɛ o te dɛ ɛ waa Yeesu aa bɔɔra la bwa, dɛ ŋɔ Yeesu be ŋɔ, “Umee n dɔŋ ɔ?”

Yela 74:22

N Naa Korowii, ir nyu ne, dɛ́ nyiŋi he waa ta, dɛ́ dɔ waane bol, bɛ soh kɛŋɔ ɡɛna dɛ mamɛ saŋ bɛlbwa.