Aesaya 43:25 - mzwDBL

²⁵ Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Aesaya 43:25 Referans Kwoze

Hibru 8:12

Mɛɛ sune ba nɛɛ dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa.”

Hibru 10:17

O berɔ ŋɔ, “Maa ba wechɔɡa waa lii kpa bwa.”

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Aesaya 44:22

N laa he wechɔɡa fee a tonɛ, kɛŋɔ bam ne chɔɔlen kɔɔla ken. Hé laa berɛ ba n be, dɛkalkɛ menee lɛ heya.

Yela 25:7

N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Tɔn Pɔɔl Aa Chwerɛ Rom Tena 5:20

Mmara balɔ dɛ ɡel wechɔɡa warɛ. Kɛ, wechɔɡa aa dɛ dawɛ la, a taa Korowii na nɛwɛnyina sum, dɛ cha yaa kohona.

Amanesoma Mak Aa Chwera Tɔn 2:7

“Ɛrɛɛ o do dɛɛ bol waa ɡɛ nɔɔ? Korowii ɡboo won wechɔɡa kpɔe dɛ kɛ. Aa! O dɛ ɛ Korowii nɛnhɛla.”

Aesaya 43:11

Menee Korowii, n ɡbosoroo, n habɔɔ, Lɛɛ bɛlbwa toole.

Yela 25:11

N Naa Korowii, a lole kɛŋɔ n wechɔɡa kan te, koh he sɔnjen la wa dɛ́ kpɔ kɛ mɛ.

Yela 51:9

Laa sie kpɔ n wechɔɡa ta, dɛ́ fee n wechɔɡa bwa.

Jeremia 50:20

A ɡɛ saŋ ne awola tɔpere la, baa nyiŋi waa aa ɡela Israel tena di bolchɔɡee, kɛ baa bolchɔɡe baa dia bɛlbwaa na, dɛ́ nyiŋi Juda tena ɡe wechɔɡa baa wobɛlbwaa na, dɛkalkɛ mɛɛ kpɔ n nɛra baa kaa la wechɔɡaa kɛ ba.

Ɛsekeɛl 36:22

Anomanta, ŋɔ men Nemenɛ Korowii ŋɔ Israel tena be ŋɔ, ‘He waa laa mɛɛ ba ɡɛ waa nɔ ɛɛ. N sɔn waa do ɡoroŋ he chɔɡo tɛ harɛre nɛra, bela bwa haa laŋa la waa.

Ɛsekeɛl 20:14

Kɛ maa dɛ nyin n sɔndɛɛɡe nomanta, n ɡelɔ ásɛ harɛre ta nɛra baa lɔ bela dɛ na kɛŋɔ, n laɡ ba le Ijipt harɛ ta la bɛ n sɔnchɔɡe yerɛ.

Ɛsekeɛl 20:9

Gɛ aa ɛ ásɛ harɛre baa soɡe a ta nɛra bɛ n sɔnchɔɡe yerɛ ŋɔ n bolɔ ŋɔ, mɛɛ lawɛ Israel tenaa le Ijipt harɛ ta nomanta, n ta ɡɛ ɛɛ.

Aesaya 37:35

Mɛɛ tɔ bwɛɛ nɔ ɡbemɡbee dɛ́ lɛo, n jirima ne nyoa maa baɡɛ n bonɔɔ Devid nomanta!”

Ɛsekeɛl 36:32

Israel tena, n dɛ nyin he jemɛ kɛŋɔ he waa laa mɛɛ ba ɡɛ waa nɔ ɛɛ. N dɛ nyin kɛ sihiih kpo heyaa we-ɛɛla haa dɛ ɛ la wa!’ ”

Ɛsekeɛl 20:22

Ate, n berɛ lawɛ bambile, dɛkalkɛ aa chɔɡ n sɔnee harɛre nɛra baa naa n lawɛ Israel tena le Ijipt harɛ ta, ba siwi ta la.

Ɛfesos 1:6

O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

Ɛfesos 1:8

O ta dɛ cha yaa kɛrɛdɛ ya won dɔ wejema ne liire.

Amanesoma Luk Aa Chwera Tɔn 5:21

Asɛ Tɔnjerema la ne Farisii tena baa soɡe bela la lii ba nyu bini ŋɔ, “Ɛrɛɛ o do dɛɛ bol nɛnhɛlwaa ɡɛ nɔɔ? Dɛ Korowii laa aa, umee dɛ́ won kpɔ nɛn wechɔɡa kɛo wɔ?”

2 Webena 6:21

No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.

Yela 103:12

Gɛ wee leebɔr ne wee cholibɔr baah aa jaŋa la, ɡɛɛ ya ne wechɔɡa waa laa kpɔ ya nɛɛ la baah do jaŋne.

Aesaya 48:11

N ɡbaɡba waa n ɛa ɡɛ. Maa ɡel n sɔn chɔɡ, maa ɡel he kpɔ jirima aa chɛ mɛ la tɛ nomɛl.”

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Aesaya 64:9

Bɛ ɡel he baah di ya nɛɛ kohona, bɛ ya wechɔɡa waa kpɔ do he nyu bini saŋ bɛlbwa. He nɛraa yaa, na ya sum.

Ɛsekeɛl 18:22

Mɛɛ kpɔ naate wechɔɡa bwaa kɛo, maa an lii kpa, dɛkalkɛ o waa toɡrɔ. Wɛɛ so lee, waa sewa ba.

Ɛsekeɛl 33:16

Mɛɛ kpɔ o wechɔɡa waa ɛa la bɛlbwaa kɛo, wɛɛ dɔ o nyuu dɛkalkɛ o ɛ waa aa wera dɛ toɡre.

Yela 51:3

dɛkalkɛ n jemɔ kɛ n ɛ wechɔɡa, a chɔ n sie saŋ bɛlbwa.

Yela 51:4

He ɡbosoroo n ɛ wechɔɡa, dɛ ɛ anɔ la aa wola were he sie. Anomanta, he waa dɔ kasinteŋ, he won bol n waa dɛ́ pa bole aŋwɛnɛ ta, dɛ́ tɛr n deŋne.

Yela 103:3

O kpɔ n wechɔɡa bwa dɛɛ kɛ mɛ, dɛɛ chah n weela ɡe bwa.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.