Aesaya 43:24 - mzwDBL

²⁴ He ta daawiile kalamus a sɔɔh aa soma yawɛ bá fuh tɛ mɛ, á ba ɛ kɛŋɔ he tɛ mɛ he saraha kwaa bodɛɛɡa á su n siwi. Kɛ he wechɔɡa kan dɛ ɛɛ mɛ bone, he wedoŋa ɡe ɛɛ le n mee.

Aesaya 43:24 Referans Kwoze

Aesaya 7:13

Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa?

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.

Aesaya 1:14

N bambile aa he Korobifala Tɔpejena dii ne tɔpejena haa lea cheɡ dɛɛ di kwa dɛɛ lɛ sie a ta la lawɛ. Name te n koɔh, a le n mee.

Ɛsekeɛl 6:9

Banɔ la baa laɡ ba kaa harɛfala ta la, belaa baa ba liira kɛŋɔ ba fa ɛo wechɔɡa, dɛ vɛh o waa ta teŋa, dɛ kaa tomɛ voɡa. Ásɛ a we ba nɛ, wechɔɡa ne waa Korowii aa kia ba ɛ la wa.

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Yela 95:10

Bene fifraanaarɛ bwaa n baah di ba nɛ, asɛ n ŋɔ, ‘Ba deŋne kpeɡri! Ba vɛh waa maa do ba a ta.’

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”

Emɔs 2:13

Taraken, mɛɛ tiɡrii do harɛ kɛŋɔ torɔɡo yon che bone kohona dɛ tire kon ta la.

Ɛsekeɛl 16:43

He ta ɡɛ maa ɛɛ he toli saŋ la liire, dɛ ka ɛ waa maa kia nɔ bwa, dɛ ir n bandia, a waa mɛɛ ba he deŋne tɛra la. Ɛrɛɛ he berɛ kpɔ jwamane ja waa maa kia la bwa ta nɔɔ? Men Nemenɛ Korowiirii bola.’ ”

Aesaya 1:24

Anomanta, Korowii, Koranar Bwa Kooro, Israel Kpeɡnɛn la ŋɔ, “Namete he berɛ n dɔma n bwaawee ir he nɛ. Mɛɛ tɛr he deŋnee bɔ kem ásɛ n baah sɔɔh mɛ.

Lewi Dea Tena 4:31

Ó laa o noo la bwa kpɔ, ɡɛ baa dɛ ɛ deŋnesɔɔhna saraha kon noo la, ásɛ sɔfo la fuah saraha kon la ta a sɔɔh do som men Korowii be. Gɛɛ sɔfo la ɛɛ ba ɛɛ, dɛ́ soŋe naate wechɔɡa la n be, ásɛ n kpɔ kɛo.

Lewi Dea Tena 3:16

Sɔfo la fuah saraha kon la ta bela, kɛŋɔ mea saraha baa fuah dɛɛ tɛ men Korowii a sɔɔh ɛɛ do n som kohona la. Ol la noorare bwa ɛ n kwa, bá fuah.

Kaala 30:34

Korowii berɔ ŋɔ Mosis be ŋɔ, “Kpɔ konsɔɔhsoma aa ɛ daawiile ane baa dɛ yera rɛsem ne onicha ne ɡalbanum, dɛ fraŋkensɛns tenten á bwa ɛ kɛrɛdɛ,

Kaala 30:7

Arɔn chɛ kɛŋɔ ó fuh daawiile a sɔɔh aa soma o ta, chɔɔ bɛlbwa waa ba nyiŋi kandere la.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.