Aesaya 43:23 - mzwDBL

²³ Hé ta peera kpoe dɛ fuah ɛ sarahare tɛ mɛ, á ba ɛ kɛŋɔ hɛɛ kpɔ saraha bɛlbwaa ba duu mɛ. N ta mea sarahare waa kpɔe dawɛ he nɛɛ a ɛ heyaa bontɔɡa, n ta daawiile ɡe waa pɛɛrɛ le he be he mee le.

Aesaya 43:23 Referans Kwoze

Emɔs 5:25

Israel tena, n ta sarahare ne kwaa lɛɛ le he be bene fifraanaarɛ haa lɔ pua hɛŋle ɡbo harɛ la ta.

Matiu 11:30

N waa do toŋɡboŋ ken, bone maa kpɔ dawɛ he nɛɛ la ɡe fɛɡre.”

Malakae 3:8

N dɛ bɔɔ heyaa ŋɔ a wer kɛŋɔ nɛn ŋwɛ men Korowii aa? Kɛ he dɛ ŋwɛɛ mɛ. He dɛ bɔɔ ŋɔ, ‘Bɔkwa taa yaa ŋwɛɛ nɔ?’ Kwaa haa bɔne a bini bɔre fi, dɛ kpɔ bɔrbeŋkpoŋ baa tɛ mɛ, ne saraha kwaa taa hɛɛ ŋwɛɛ mɛ.

Jeremia 7:22

Maa lawɛ he naawa le Ijipt harɛ ta ba la, n ta ban saraha kwaa baa fuah kɛɛ saraha bɛlbwa waa ta doe.

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Lewi Dea Tena 2:1

Korowii berɔ ŋɔ, “Nomɛlbwa kpɔ mea saraha dɛɛ ba n tɛɛ yaa, ó nama a kper kɛrɛdɛ. Dɛ́ fuɡe noo do a ta, dɛ́ ɛ daawiile ja a ta.

Kaala 30:34

Korowii berɔ ŋɔ Mosis be ŋɔ, “Kpɔ konsɔɔhsoma aa ɛ daawiile ane baa dɛ yera rɛsem ne onicha ne ɡalbanum, dɛ fraŋkensɛns tenten á bwa ɛ kɛrɛdɛ,

Lewi Dea Tena 24:7

Baŋ bɛlbwa ta la, ɛ daawiile a sɔɔh aa soma bil a jwɛh a ɛ saraha kwaa baa fuh cheɡ paanoo la naa ta tɛ Korowii.

Sɛɡla 3:9

Kpɔ he kondɔɔh, ne he koo kondikonloɡla tɛ Korowii, dɛ́ kpɔ duuru.

Jeremia 7:21

N nɛra, he dɛ ba sarahare kwaa fuih yaa, he dɛ fuh ane bwa kon baa dɛ ɛ sarahare o ta, dɛɛ di ane ɡe, kɛ men Korowii dɛ bol he be ŋɔ, hɛɛ won dɛɛ di a bwa.

Maeka 6:3

N nɛra Israel tena, bɔkwa waa n ɛ heya ɔ? N ɛ heyaa waane dɛ jo he nɛɛ kɛɛ? Hé chaŋ mɛ.

Nehemia 13:10

N berɔ na kɛŋɔ Lewi dea tena baa dɛ ɡo yela Korowii Dea la, ne Lewi dea tena la bane ɡe le Jerusalam, dɛ berɛ kaa ba kooni ta, dɛkalkɛ nɛra la aa ban kwaa aa chɛ kɛ ba tɛɛ ba la tɛ.