Aesaya 43:22 - mzwDBL

²² Korowii berɔ ŋɔ, “Kɛ ane a bwa, he ta men tomɛ, Israel tena, n waa pe heya.

Aesaya 43:22 Referans Kwoze

Maeka 6:3

N nɛra Israel tena, bɔkwa waa n ɛ heya ɔ? N ɛ heyaa waane dɛ jo he nɛɛ kɛɛ? Hé chaŋ mɛ.

Malakae 3:14

He bolɔ ŋɔ, ‘Korowii toma ɛ wepuu. Tɔnɔ besoo ya dɔ dɛɛ le waa waa kpɔa tɛ yaa ŋɔ yaa teŋɛ a ta, asɛ a berɛ do kɛŋɔ ya tea bini chɔɡɔ Koranar Bwa Kooro sie nɔɔ?

Malakae 1:13

He ŋɔ he mee leɔ, dɛ laa sie kpɔ saraha kwaa aa wera kɛŋɔ he kpɔ baa tɛ mɛ la ta. Kɛ he kpɔ kondɛɛra bola aa lɔ a nɛ, ne anɔ la aa wola won valɛ kɛɛ weela tena ba ɛ saraha dɛɛ tɛ mɛ. Mɛɛ lɛa yaa?

Jeremia 10:25

Gel harɛre nɛra na he bandia, banɔ la baa wola hen tomɛ, dɛ vɛɛh la. Ba kpoo he nɛra Israel tena dɛ chɔɡ ba harɛ kwaraa.

Daneɛl 9:13

Gɛ tenten baa chwera Mosis Mmara la ta la, ɡɛ deŋnetɛra la bwaa ba ya nɛ. Kɛ ya ta Korowii yaa dɛ tomɔ la bɔr nyine ó cha yaa ya le ya wechɔɡa ta, ásɛ dɛ no o kasinteŋ waa la.

Jeremia 2:5

Waa Korowii aa dɛ bol laanee nɔ, “Bɔkwa waa n ne he naawa dɔ, asɛ ba vɛɛh mɛ dɛ berɛ habɔɔ kpo mɛ nɔɔ? Ba teŋɛ voɡa aa wola tɔnɔ dɔe nɛɛ dɛ berɛ nɛnsale.

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Yela 79:6

Gel he baah di harɛre nɛra baa wola hen tomɛ la nɛ, nɛra baa wola hen jemɛ dɛ́ soŋe la,

Yela 14:4

Korowii ŋɔ, “Amɔ wechɔɡ-ɛɛra ɛɛ hweli waa yaa? Banee lawɛ n nɛra baa teŋɛ n nɛɛ dɛɛ liɡli kɛŋɔ kondikwa, baa wola men Korowii soŋe ŋɔ ń cha ba la.”

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.