Aesaya 43:19 - mzwDBL

¹⁹ Hɛ́ɛ no! N dɛ ba wefale bɛl ɛɛ. Taraken o dɛ le, he ta on nae yaa? Mɛɛ bil ŋwɛnɛ pua hɛŋle ɡbo harɛ taa, dɛ́ ɡel nenabɔɔne chɔ harɛ la ta.

Aesaya 43:19 Referans Kwoze

Aesaya 48:6

He no waa n fa aa bola baɡle heyaa asɛ a ɛ ɡɛ. A chɛ kɛŋɔ hé sɛh kɛŋɔ a ɛ kpela. Le fini dɛɛ kaa mɛɛ bol wefala aa sɔah maa wola he be bolɛ la he bee.

Aesaya 42:9

Na, webena maa bol a waa la chiɡo, asɛ mɛɛ bol anfala wa. N ɡelɔ hɛɛ no a waa mɔɔ a chiɡ.”

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

Wepila 21:5

Anee naate waa soɡe kookara la ta la ŋɔ, “Taraken n ɡelɔ wobɛlbwa berɛ anfala.” Dɛ berɛ ŋɔ, “Chwerɛ ɡɛ waa nɔ, dɛkalkɛŋɔ n wobol nɔ ɛ kpela, neɡra toole a ta.”

Aesaya 41:18

Mɛɛ ɡeloo nee palɛ le bwejena aa hola dor, dɛ́ ɡel fɛlembɔɔne bule ne. Mɛɛ beɡre pua hɛŋle ɡbo harɛɛ ó ɛ kataŋa, dɛ́ ɡel harɛ waa do kpakee bule ne.

Jeremia 31:22

Nɛra he wa aa wola kasinteŋ dɔe, saŋ besoo hɛɛ ba he ɡaaɡe bala nɔ ɡela ɔ? He fa do kɛ bitolo o wa aa wola kasinteŋ dɔe. Mɛɛ beɡre wobɛlbwa anfalaa harɛ nɔ bwa taa, kɛŋɔ haah aa kpɔ nɔn dɛɛ tɔ o jaa nɛɛ la ken.”

Kaala 17:6

Mɛɛ ka che bwe bɛl jwɛɛh Sinai Bwejen ta belaa dɛɛ kpa heya. Dɛ he tel belaa, kpɔ daŋɡbala la lɔ bwe la, nee ɛɛ le o taa ba, ásɛ nɛra la dɔ nyɔ.” Asɛ Mosis ɡe ɛ ɡɛ waa nɔ bwa Israel nomonome la siwi ta.

Mmarare 8:15

Onee tɔ he sie dɛ kpɔ heyaa kpɔ pua hɛŋle ɡbo harɛ waa kana dɛ do ɔma, nyɔɡre ne hwel ne harɛkonchɔɡa, ne nɔrɔme aa lɔ o ta la. Onee ɡela nee le bwe ta dɛ tɛ heyaa he nyɔ la.

Yela 105:41

O ɡelɔ bwe bini pere, asɛ nee le dɛɛ palɛ kɛŋɔ, nenapale ken, pua hɛŋle ɡbo harɛ ta.

Nɛra Kura 20:11

Ate, o ɡɔɔ daŋɡbala la lɔ bwe la kera anɛ, asɛ nee palɛ le bwe la ta yɔɔ ken, ba ne ba kondɛɛra bwa nyɔ.

Yela 126:4

N Naa Korowii, ɡel ya wobɛlbwa berɛ do wer tɛ yaa kɛŋɔ, bwaala yon nɛ do nenabɔɔne aa hola ta á suuɡi la ken.

Aesaya 30:25

Awola Korowii aa ba kpoo he dɔma kohona dɛ́ kuuɡi ba dejaŋa ta la, nee ɛɛ palɔɔ le bwejaŋa ne deŋɡarere aa kaa nyundua bwa ta.

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Aesaya 33:21

Korowii ɛɛ do belaa dɛ́ ɛ ya Kpeɡnɛn. Wɛɛ ɡeloo yá so harɛdɛɛɡe nejena ne nenabɔɔne aa lɔ o ta. Ya dɔma aa ɡbeni a taa tawɛ, ba stiimaere aa a taa kpɔ.

Aesaya 35:1

Silɛɛ ɛɛ ba pua hɛŋle ɡbo harɛ taa, hɛɡra ba harɛ komɛlbwa aa wola o ta ɛ ta, ásɛ kwaa le o ta dɛ́ fe.

Aesaya 41:19

Mɛɛ ɡeloo peleme ne akaasia ne mɛtel ne ɔleve daa le pua hɛŋle ɡbo harɛ ta. Mɛɛ ɡeloo kɔr bini daa le harɛ waa wola were tɛ komɛlbwa ta,

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Jeremia 23:7

Tɔpera ane dɛ ba ásɛ nɛra aa n sɔn taa ŋwɛɛ ŋɔ, ‘Korowii waa lole saŋ bɛlbwa, dɛ lawɛ Israel tena le Ijipt harɛ ta kpa.’

Aesaya 48:5

A waa ɡela n bol waa aa dɛ ba bala kerekere la, dɛ bol waa aa dɛ ba chiɡa mɔɔ á chiɡ, ásɛ he bɛ ba ŋɔ he voɡaa ɡela a chiɡ.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”