Aesaya 43:13 - mzwDBL

¹³ Kpelaa, n ɡboo Korowii saŋ bɛlbwa. Nomɛlbwa aa won lɛ o te n nɔn ta. Anɔ la maa ɛ la, nomɛlbwa aa won bera.”

Aesaya 43:13 Referans Kwoze

Aesaya 14:27

Waa Koranar Bwa Kooro aa vɔrɔwa nɔ, umee dɛ́ won bera ɔ? O ir nɔn dɛ́ tɛr nɛra deŋne, umee dɛ won ŋɔ o be ŋɔ o bɛ ɛɔ?

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Yela 90:2

Mɔɔ he ta bwejena kɛɛ harɛ nɔ la, dɛ he ɛ Korowii saŋ bɛlbwa dɛɛ la.

Hibru 13:8

Yeesu Kristo aa beɡre. Gɛ waa doa a saŋ la, ɡɛɛ o ta do fini, ɡɛɛ wɛɛ ba doe saŋ bɛlbwa.

Amanesoma Jɔn Aa Chwera Tɔn 8:58

Anee o ŋɔ, “Kasinteŋ, n dɛ ŋɔ he be, baa wola Abraham lolɛ mɔɔ la dɛ n lole.”

Job Tɔn 9:12

Dɛ o ŋɔ wɛɛ lɛ komɛlee yaa, umee dɛ́ won tɔɔ ŋwɛnɛ ɔ? Umee dɛ́ won ŋɔ o be ŋɔ, ‘Bɔkwaa hɛɛ ɛ nɔɔ?’

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 41:4

Umee ɛ waa nɔ dɛ ɡel a maɡre, kɛŋɔ waa yerɛ nɛra ne ba naanar ne ba ɡe naanar le mumpar bá ɛ o toma ɔ? Men Korowii maa lole le mumpar la, menee ɛa, menee dɛɛ ba nɛra baa ka mun ɡe nɛɛ jae.

Yela 93:2

Saŋ la bwaa he kora le. Mɔɔ wobɛlbwa pa mun la, dɛ he lole.

Yela 50:22

Hé no, he banɔ la haa soh men Korowii waa la, ɡɛ laa aa, mɛɛ chɔɡ heyaa, nomɛlbwa aa wola won lɛ heya.

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Sɛɡla 8:23

Menee Korowii tɔ sie ta mumpar la, mɔɔ dɛ ta harɛ nɔ.

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Mmarare 28:31

Baa lawɛ he nawee kpo he siwi ta haa wola o olii dɔ chwe, dɛ́ teɡɛ he keeɡore dɛɛ kaa he siwi na haa an dɔ kpa. Dɛ́ berɛ lawɛ he peera tɛ he dɔma nomɛlbwa aa wola toole dɛ́ lɛa tɛɛ.

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.

Hosia 2:10

Mɛɛ wuruu ó che mumɡbal o sɛnanar la sie, nomɛlbwa aa wola won lɛo le n nɔn ta.

Nɛra Kura 23:20

O do mɛ ŋɔ n swee andɛɛɡa tɛɛ ba. O swee andɛɛɡa tɛɛ ba maa wola won bera.

Aesaya 46:4

Menee dɛɛ ba he nɛɛ nyiŋa, dɛ́ ka tel he hwɛɛhra saŋ he nyumpona aa to. Menee ta heya, mɛɛ chwaa heyaa, dɛ́ kpoŋe heya, dɛ́ lɛ heya.

Aesaya 47:15

Waa nɛra haa le he bechale saŋ dɛɛ la ba be baa jae la aa dɛ ba ɡela he na laanee. Bɛlbwa ɛɛ nyin bɔree dɛ́ chwa kaa, bɛlbwa aa lee do, dɛ́ lɛɛ.”

Aesaya 48:16

Hé suuh tel n be, dɛ́ ba no waa nɔ. Le waa nɔ mumpar bwa n ta wobɛlbwa bolɛ a sɔh heya, n wobɛlbwa maa bol la, a dɛ ɛ kpela.” Nemenɛ Korowii cheɡɛ o Doma ta, dɛ tom mɛ.

Josua 2:2

Dɛ Jeriko kooro noɔ kɛŋɔ Israel tena bane sɔɔh ba jo bwɛɛ la ta awola jwaana la ne, dɛ́ ba sɔh nyiŋi harɛ la.

Job Tɔn 10:7

He ɡbabir jemɔ kɛŋɔ n ta wechɔɡa ɛɛ, nomɛl aa won lɛɛ mɛ le he nɔn ta.

Yela 102:28

Ya bii ɛɛ so he siee ásɛ he kpɔ nɔn tɔ ba nɛ, ásɛ dɛ nyiŋi ba naanar nɛ ba bwara sɔɔh ba.”