Aesaya 43:12 - mzwDBL

¹² Menee baɡle waa aa dɛ ba chiɡa, dɛ lɛ heya, dɛ ɡel nɛra no a wa. Harɛ bɛl voɡ bɛlbwa aa lɔ he be laa ɛ ɡɛ. N danseɛree heya. Men Korowiirii bola.

Aesaya 43:12 Referans Kwoze

Aesaya 43:10

Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

Mmarare 32:12

Korowii ɡboo tɔ o nɛra sie, voɡ bɛlbwa ta o nɛɛ jae.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Aesaya 37:20

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Aesaya 37:7

No, mɛɛ ɡeloo koojen la no waane aa ɛ ɔmewa, ásɛ a ɡel o berɛ kaa o harɛ ta, ásɛ Korowii ɡel bá ka kpoo kere ne.’ ”

Mmarare 32:16

Ba dɛ tomɛ harɛre ane voɡa aa ɛ kii kwa, a ɡel Korowii baah di banɛ, wechɔɡa haa ɛa la ɡelɔ o baah di.

Aesaya 45:19

N ta wobɛlbwa bolɛ sɔh, kɛɛ dɛ che biro ta bol waa harɛ nɔ ta bobɛlbwa. N ta Israel tena be ŋɔe ŋɔ, ‘Hé nyin n bɔr pɛɛpɛɛ.’ Menee Korowii, Kasinteŋ ɡboo n bwa, waa aa wera dɛ toɡre ɡboo mɛɛ bol.”

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.