Aesaya 43:10 - mzwDBL

¹⁰ Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

Aesaya 43:10 Referans Kwoze

Aesaya 41:4

Umee ɛ waa nɔ dɛ ɡel a maɡre, kɛŋɔ waa yerɛ nɛra ne ba naanar ne ba ɡe naanar le mumpar bá ɛ o toma ɔ? Men Korowii maa lole le mumpar la, menee ɛa, menee dɛɛ ba nɛra baa ka mun ɡe nɛɛ jae.

Aesaya 45:6

N ɛ ɡɛ, ásɛ le wee leebɔr kaa o cholibɔr, nomɛlbwa jemɛ kɛŋɔ menee Korowii. N habɔɔ, Dɔɔ bɛlbwa toole kpa, nemenɛ n ɡbo.

Aesaya 43:12

Menee baɡle waa aa dɛ ba chiɡa, dɛ lɛ heya, dɛ ɡel nɛra no a wa. Harɛ bɛl voɡ bɛlbwa aa lɔ he be laa ɛ ɡɛ. N danseɛree heya. Men Korowiirii bola.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

Felepae 2:7

O kpɔ o Korowii dor la bil, dɛ kpɔ o te kɛ somanji, dɛ do ɡɛ nɛwɛnyini aa doa.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 41:20

ásɛ nomɛlbwa na dɛ́ lii dɛ́ no a mun kɛŋɔ men Korowiirii ɛa, dɛ́ jemɛ kɛŋɔ Israel Nɛŋɡoroŋ laanee taa.”

Wepila 1:2

Jɔn baɡle waa waa naa bwa. Korowii waa ne Yeesu Kristo webaɡla ne waa waa naa dɛ no bwaa o chwerɛ.

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Amanesoma Jɔn Aa Chwera Tɔn 15:27

He ɡe ɛɛ bol n waa baɡle nɛra, dɛkalkɛ chɔɔ bwaa n ne he do le.”

Aesaya 41:8

Kɛ he te, Israel tena haa ɛ n bonɔɔna, Jekɔb naanar maa le heya, n dam Abraham dwee,

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

1 Kɔrent 15:15

Dɛ ɡɛɛ te naa, amɔ te Korowii danseɛ yaa dɛ di la ta kasinteŋ ɛɛ, dɛkalkɛŋɔ ya dɛ baɡle heyaa ŋɔ Korowiirii ir Yeesu Kristo le seo ta. Dɛ nɛra aa seo taa ir te naa, amɔ ya teŋe nyosone.

Wepila 3:14

Tɔn nɔ dɛ kaa nyundua torome waa cheɡa tɛ asɔre tena baa lɔ Laodisia la be. “Kenii men maa ɛ Aamen, dɛ che tɛ Korowii, n waa dɔ kasinteŋ, Korowii che n nɛɛ ta komɛlbwa la ŋɔ,

Kolosi 1:7

Epafras bee he no Amanesoma la le. Ya ne o bwaa pɛa dɛɛ ɛ toma nɔ. O ɛ Yeesu Kristo bonɔɔ o wa aa dɔ kasinteŋ yaa nyinu kɛrɛdɛ. Ya naa taa o che dɛɛ cha heya.

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.

Mmarare 4:35

Korowii cheɡɛ anɔ ta dɛɛ baɡle heya ásɛ he jemɛ kɛŋɔ nomɛlbwa toole dɛ do kɛ on.

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Yela 102:27

Kɛ he te, hɛɛ do ɡɛ haa doa saŋ bɛlbwaa, ásɛ he bene ɡe aa jaɡaa dɔ bwa.

Aesaya 45:5

Menee Korowii, Dɔɔ bɛlbwa toole kpa, nemenɛ n ɡbo. Haa men jemɛ, kɛ mɛɛ tɛɛ kpeɡrii.

Aesaya 48:12

Korowii berɔ ŋɔ, “Hé no n be, Israel tena maa yerɛ heya. Menee Korowii, menee komɛlbwa sitɔɔ, ne muŋkaa.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Haɡae 2:23

Awola tɔpere la, mɛɛ le hen Sɛrobabɛl haa ɛ n bonɔɔnee, ásɛ hɛɛ nyiŋi harɛ la ta n sɔn ta, henee ń le. Men Koranar Bwa Kooroo bola.’ ”

Kaala 8:6

Asɛ Arɔn tɛr pa neerare la ta, asɛ sapone la ba tɔ harɛ la bwa ta.

Mmarare 4:39

Anomanta, hɛ́ɛ lii dɛ bɛ soh kɛŋɔ Korowii dɛ di kora nyundua ne harɛ ta bwa, komɛlbwa toole dɛ ka ja Korowii nɛ.