Aesaya 42:3 - mzwDBL

³ Nɛn do kɛŋɔ daa waa ɡwɛɛna dɛɛ ba kui yaa, waa ɡel o ku. Dɛ o do kɛŋɔ kandea waa dɛ lawɛ kɛlll la ɡe aa, waa ɡel ó dime. Wɛɛ ɡeloo nɛra bwa jemɛ kasinteŋ la.

Aesaya 42:3 Referans Kwoze

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Matiu 11:28

He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

Jeremia 31:25

Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Yela 147:3

O ɡelɔ nɛra ba bambile aa chɔɡa dɔ bolarawa, dɛ vɔrɔwe ba ŋwɛra.

Amanesoma Jɔn Aa Chwera Tɔn 5:30

Yeesu berɔ ŋɔ, “N ɡbo aa won ɛ wobɛlbwa n bambile ta, nemenɛ anɔ la Korowii aa chaɡ mɛ la. A taa n che dɛ bol nɛra waa dɛɛ pa bole. An ɡela n bole pae toɡre nɔ, dɛkalkɛ waa n Mɛɛ waa tom mɛ la aa kpɔa tɛ mɛ la ɡboo mɛɛ ɛ dɛ ɡel n bambile wa.

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Yela 98:9

dɛkalkɛ o dɛ ba harɛ nɔ ta ba di kora. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta, ne kasinteŋ ne.

Yela 96:13

saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta ne kasinteŋ ne.

Amanesoma Jɔn Aa Chwera Tɔn 20:27

Asɛ dɛ ŋɔ Tɔmas be ŋɔ, “Kpɔ he nonii ba do n nɔɔra bɔɔne la ta, dɛ́ kpɔ he nɔn do n loŋi bɔɔ la ɡe ta, dɛɛ yarada mɛ, dɛ́ ɡel aahna aahna la haa dɛ ɛ la.”

Maeka 7:9

Ya ɛ wechɔɡa dɛ jo Korowii nɛ, anomanta, a chɛ kɛ yá na o bandia tama mɔɔ. Wɛɛ lɛ yaa dɛ́ le chɔɡre baa kpɔa ɛ yaa la ta. Wɛɛ lawɛ yaa ba bɔchaah ta, ásɛ ya na toɡra o wa aa toɡra.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Matiu 12:20

Nɛn do kɛŋɔ daa waa ɡwɛɛna dɛɛ ba kui yaa, waa ɡel o ku. Dɛ o do kɛŋɔ kandea waa dɛ lawɛ kɛlll la ɡe aa, waa ɡel ó dime. Wɛɛ lawɛ bambile nɛra nɛɛ dɛ́ yo ka tel ɡɛ saŋ nɛra bwa aa ba jemɛ Korowii kasinteŋ ŋwɛnɛre la,

Yela 54:5

Gel n dɔma vɔrɔwa baa vɔrɔwa ɡure ba nyu ta, che he kasinteŋ ta dɛ́ chɔɡ ba.

Yela 94:15

Waa bola dɛ́ pa bole aŋwɛnɛ ta ɛɛ berɔ do le, ásɛ nɛra ba wa aa toɡra ɛɛ teŋɛ a ta.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Aesaya 42:2

Waa waa bol dɛɛ nyɛɡ, waa takpeɡ ɡee kpɔ bol waa fɔɡbaahna.

Aesaya 2:4

Wɛɛ bol harɛre nɛra waa dɛ́ pa bole, dɛ́ kwaa ba baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Aesaya 63:1

“Umee le bwɛjen Bosra waa lɔ Edom harɛ ta dɛɛ ba nɔɔ? Umee ka dɛ ba dɛ tɔ yaswɛɛma dɛɛ ba kpeɡri ne bokpeɡa ta ken?” Anee Korowii ŋɔ, “Menee, n dɔ kpeɡri dɛ́ won lɛ heya n dɛ ba dɛ́ ba bol yoi maa yoa dɛ pɔ wechɔɡa nɛɛ wa.”